.

.

الجمعة، 31 مارس 2017

الغطيان المتلغبطة

انا بحب السراير المتلغبطة
بحب الغطيان
وبكره الغطيان التقال ومش بستحملهم
بحب السرير مليان حاجات
ومتلغبط 
* _ *
توثيق النوم جمب ماما 
ومحدش مهتم بالاوضة بتاعتي

الخميس، 30 مارس 2017

ماذا عن قلبي

لا شيء 
قلبي بخير
يحيطه الاصدقاء
والايام السعيدة
ولا يشعر بالوحدة 

Last Sacrifice

Last Sacrifice (Vampire Academy, #6)Last Sacrifice by Richelle Mead
My rating: 5 of 5 stars

it was a hell of a journey * _ *
كانت رحلة ممتعة حتي احتراق النجوم
الجزء ده كان كتير جداً وكبير جداً خصوصاً اني قرأته في وقت قليل كان اكتر من قدرتي علي الاستيعاب.. لدرجة اني مش فاكرة اي شيء عن بداية الكتاب او ترتيب الاحداث.. ولا عن مشاعري وانا بقرأ.. انا كنت ماسكة الكتاب طول الوقت الفاضي في اسبوع كان المفروض يبقي من اسوء الاسابيع.. وقضيت امبارح 12 ساعة متواصل بقرأ وده شيء تقريباً عمره ما حصلي قبل كده : ))))) وشيء سعيد جداً انك تلاقي كتاب يخليك تقع في حبه لهذه الدرجة ويشدك لانك متقدرش تستني لحد ما الاسبوع يخلص.. كنت في اول جزء مبسمحش لنفسي اني اعلم اي علامات في الكتاب.. وفي بقيت الاجزاء كنت برسم قلوب عند الحتت اللي بحبها علي مضدد ولكن في الجزء ده كنت بكل بساطة بمنتهي الجراة بكتب تعليقات في الكتاب .. برسم قلوب ووشوش ضاحكة.. وحسيت اني متعودة عليهم كلهم جداً علي الاحداث والاشخاص واسلوب الكاتبة ، انك ألفت كل شيء.. مش لدرجة الملل لانه كان فعلاً ابعد ما يكون عن الملل..انا وصلت لمرحلة اني كنت مبسوطة جداً بكل الالفة دي.. مبسوطة جداً بكل شيء : ))))) الكتاب كان ومازل ومختلف عن الخمس اجزاء.. في الجزء ده الكاتبة اضطرت انها تخلق حبكة وتحل كل المشاكل اللي كانت متصاعدة بشكل لا يوصف.. ولاول مرة مكنتش بتستغل القصة ذات نفسها او الاشخاص.. الكتاب كان بيدور حول الحبكة والتفاصيل والكثير من التفاصيل.. والكثير من الحيرة.. انا بحب اني مكنتش عارفة ببساطة اتوقع اي شيء هيحصل وكالعادة مش عاوزة اتوقع اي شيء.. كنت بس عاوزة اعرف هي ازاي عاوزة تخلص القصة بتاعتها وازاي كل شيء هينتهي في الاخر.. ازاي كل الكوارث اللي بتحصل هتوصل للنهاية.. ولحد دلوقتي مش مصدقة ان دي النهاية.. كنت متوقعة انها هتكسر قلوبنا جداً جداً جداً ومعرفش ليه مكنتش مطمنة لها.. لدرجة ان فيه اوقات انا كنت بشك في ايدي و في ديميتري.. في ليز ذات نفسها وفي اخر الكتاب بعد ما قطعت مشوار طويل جداً ولقيتها مكسرتش قلبي..اول ما لمحت شعور انها هتكسر قلبي توقعت أن الكتاب خلص.. وان دي النهاية وكنت بفكر فعلاً اذا كرهت النهاية دي.. ولا ان ده كان المفروض يحص وان استحالة يكون في نهاية تانية .. كنت بقلب الصفحة متوقعة انها اخر صفحة في الكتاب ولكنها لم تكن.. انا دايماً بتوقع الاسوء بس هي مكسرتش قلبنا ودي كانت معجزة.. انا كنت بفكر ازاي كان حمل عليها ك كاتبة انها تحاول ترضينا كلنا وتحصل علي نهايتها في الاخر غير متوقعة، سعيدة ومنطقية.. وكنت فخورة جداً بكل التفاصيل.. بقد ايه هي شاطرة وعرفت تخرج من كل الاشياء اللي كنت حاسة انها مش هتعرف غير انها تهرب منها.. بالرغم ان لسه عندي كام سؤال ملقيتش لهم اجابة.. انا كنت بفكر النهاردة اذا كان عقلي بيحاول دايماً انه يلاقي التشابه بيني وبين كل الاشياء والاشخاص اللي حوليا ومش بس كده اذا كان بيحاول دايماً يملي الفراغ اللي موجود في الكتب وبيحاول دايماً يغرقني في الكتب ولقيت اني دايماً بقع في الحب.. بقع في حب الاشياء اللي بتخليني اكتشف اشياء جديدة او احس باشياء مختلفة بقع في الاشياء اللي بلاقيها شبهي او مخي بيخلق الشبه بينا..ومش قادرة اعرف اذا كان عقلي كان بيملي الفراغات في الكتاب وبيحاول يوصل لاكتر نسخة اقرب ما يكون للكمال ولا هو فعلاً كان جزء كامل وجميل.. المجموعة كلها كانت تستحق القراءة تستحق الفلوس والوقت والدموع والحب .. وانا النهاردة سعيدة جداً فمعتقدش المفرروض اهتم طلما انا مبسوطة بكل شيء.. وشايفة انه كان ممتاز بالنسبة لي وان الكاتبة قدرت تاخد الحب والفلوس والدموع والوقت وتحولهم ببساطة لسعادة
كانت سلسلة تستحق انها تاخد جزء كبير من قلبك وتشغل تفكيرك اغلب الوقت..
انا دايماً وانا بكتب ريفوز بحاول محرقش اي شيء.. وفي نفس الوقت اوثق كل التفاصيل .. وده شيء مش سهل ولكن ولكن
انا بس حبيت جداً انها اتكلمت علي قد ايه بيبقي صعب اننا نسامح نفسنا علي اشياء ارتكبناها في حق الاخرين.. وقد ايه هما بيعانوا من اختياراتنا وبنعذبهم معانا اكتر ما بنعذب نفسنا.. مع انه شيء كليشيه جداً ولما بيحصل في الحقيقة بيكون شيء ساذج لكنه شيء يستحق التفكير فيه.. انا حبيت ديميتري وروز وبحس اني شبهم وبحس اني بحلم ابقي زيهم شخص زيهم تركيبة يصعب شرحها والكلام بيروح مني كل ما بحاول اوصفهم .. بس ده اللي انا بحلم بيه في حياتي.. وعلشان كده اعتقد اني كنت طول ال 6 اجزاء متعلقة ب ديميتري جداً .. هو بيمثل لي اغلب الاشياء المهمة اللي انا بحلم بيها .. وبحلم الاقيها : )))
حبيت العالم بدون اي روابط والناس ببساطة بتحاول تحزر مشاعر الاخين.. اعتقد الكاتبة كانت بتستغل روز انها تحكي عن مشاعرهم كلهم وكان بيخليني احس ان روز بتعرف تفهم الناس وتعرف ببساطة هما بيحسوا بايه وده شيء انا مش بحس اني بعرف اعمله مؤخراً وحبيت جداً اشوف روز بتحاول تحزر وتفهم الكون : )))))
ووقعت في الحب اكتر لما ذكرت شعور
being a victum all the time
اعتقد ده الفرق بيني وبين روز من اول جزء وده كان يستحق انك تكتشفه.. انا في اغلب الاجزاء اللي روز بتحاول تدافع عن نفسها ببقي حاسة اني لو كنت مكانها كنت هجري علي اوضتي وهقعد اعيط وده ابعد ما يكون عن روز.. كنت دايماً بعيط لها وهي عمرها ما بتحس وجش عن نفسها وده شيء جديد انا اكتشفته.. فكرة وصلتلي قبل كده بس مش بالوضوح ده..
بعد ما قرأت ريفوز الاخرين اكتشفت اني مفكرتش في ثانية في ادرين ولا حسيت ان اتظلم معانا ولا ان روز كانت تقريباً بتستغله يمكن حسيت كده في الجزء الرابع جداً ولكن في الجزء ده هو مكنش له اي اهمية بالنسبة لي.. ومعرفش ازاي انا ممكن اكون بالقسوة دي
بس اعتقد ان موقفي شبهي.. اعتقد انه شبهي جداً لدرجة اني مدركتش ده غير لما قرأت الريفيوز.. انا مقدرش ابداً اخلي روز تفوت ديميتري علشان ادرين.. برغم كل شيء ادرين مش شبهها .. وكنت متعاطفة مع روز طول الوقت واكتشفت اني اسعد واحدة بنهاية الكتب ده حقيقي حقيقي


View all my reviews

الأربعاء، 29 مارس 2017

pre- review for the last sacrfice

انا صدقت انها قتلت روز واتعصبت
مش مصدقة انه كتاب واحد
خلتني اشك في نفسي
وكنت حاسة الكتاب هيقتلني
كنت بشك في ديميتري و في ايدي
انا كنت بزهق في حتت
نظرا اني قضيت 12 ساعة بقرا متواصل
بس حبيت حبيت حبيت
حبيت كل التفاصيل
والكتاب تحول من انه فاضي ك اي. كتاب انه مليان قلوب.. والجزء ده سمحت لنفسي اني اكتب تعليقات في الكتاب
كانت رحلة ممتعة حتي احتراق النجوم
كان بتعتمد علي الحبكة فعلا مش الشخصيات ولا هي استغلال لقصة الفيلم هي اضطرت تكتب قصة حقيقة باحداث وتاحد بالها من التفاصيل الكتيز
ديمتري ورز انا بحبهم جدا
وةان في لحظات كنت متاكدة انها استحالة تخليها تكمل معاه ا بس في النهاية انا امبسطت
مكنتش عاوزة اكسر قلبه
بس كنت عارف ازاي هي هتخرج لهن فب المازق في النهاية
كان نفسي في سلسلة افلام او مسلسل
انا اتعلقت بيعة سو ماتش
نو مور ديميتري اندد ورز
رجعنا ل نفس المشكلة الجزء الاول مين هيحمي مين
وهيحصل ايه لو روز اضطرت تنقي بينهم
عجبني انها طرحت مشكلة ان الناس مش بتسامح نفسها 
حبيت العالم لاول مرة من غير البوند
مشكلة انها ترضي كل الناس
انا كنت فخورة
being a victum  يا الله
المكتبة
حبيت ديميتري وروز في المكتبة جداً

Reach out

انا بكره الوحدة
ونفسي في يوم
ابطل احس بالوحدة
انا بحب اشارك الاشخاص كل شيء
بحب اعمل دوشة
واشتكي واضحك
وفي هذه اللحظة
انا معنديش حد اقدر اصحيه من النوم
علشان اساله
اكمل بقيت الكتاب ومروحش السكشن بكرة
ولا اوقف وانام واحتمال كبير برضوا مصحاش السكشن بكرة
ولا اضغط علي نفسي وانا عندي برد اروح السكشن وافضل في الكلية واقاوم النوم
الاشياء التافهه اللي ملهاش اهمية
والاوقات اللي ببقي محتاجة اي حد
يقولي اي حاجه لما مبقاش عارفة هعمل ايه
زي الوقت ده السنة اللي فاتت
كان بيتنا عبارة عن كارثة
ومكنتش بقدر اتكلم عن علاقتي مع ماما
من غير ما اعيط
انا بحب الناس اللي بتقربني
ومش بتزقني بعيد
بحب الناس اللي مش بحتاج
ا reach out for them

الثلاثاء، 28 مارس 2017

اليوم ال 94

انا بحب ابقي مشرقة وسعيدة
انا بحب اغني
واقضي وقت بقرأ كتبي المفضلة
بحب اني احب الاطفال الصغننين
واني اعرف انهم بيحبوني بالرغم من كل شيء
انا بحب اعرف الحاجات اللي شبهي
بحب اعرف الاشياء اللي لما تشوفها تقدر تقول عليها انا
كنت كتبت قبل كده عن اني قبل ما ابص في المرايا
ببقي مش متوقعة شكلي وكل مرة بحس ان شكلي مختلف
عن المرة اللي قبلها
وبيبقي صعب عليا في العادي اعرف اذا كان شكلي كده علي طول
ولا فيه شيء متغير
ودي مشكلة بتحصلي
مع صوتي والاغاني الللي بغنيها
واني دايما مبقدرش اتوقع صوتي او شكلي في المرايا
النهاردة 
انا بقيت عارفة اغلب طبقات صوتي
اللي مزاجي في الغنا بيغيرها كتير
وممتنة لابليكشن
بيخليني امارس هوايتي المفضلة
اللي هي الغنا * _ *
وبيخيليني اتوقع نفسي 
وابقي سعيد

السبت، 25 مارس 2017

الخوف من الخوف الي الخوف

انا بحلم السنة تعدي 
قبل ما احس اني خايفة
انا بعد  اربع سنين 
من الخوف المستمر 
بقول ان الخوف من اسوء المشاعر اللي ممكن تحس بيها
في حياتك
ومن اصعب المشاعر اللي صعب تقاومها
انا خايفة اخاف
وانا اصلا خايفة

I can't fall in love until I know you more than l know myself

انا ادركت وانا بقرأ الكتاب
اني مقدرش اقع في حب حد تماماً 
من غير ما اكون اعرفه اكتر من نفسي حرفياً
اعرفه كما هو بكل نقاط الضعف وبكل العيوب وبكل المشاعر
انا بحب فكرة ان الحب بيخلي الاشخاص 
 يفهموا بعض وبيقربهم من بعض اكتر
الكتاب كان بعيد تماما عن الواقع اللي احنا بنعيشه
بعيد تماماً عن الطريقة اللي الناس بتحب بيها بعض
في المحيط بتاعنا
ده لو لقيت ناس حقيقي بتحب بعض حوليك
انا مبعرفش اقرأ الناس 
ومهما عرفتهم ومهما عرفت هما بيحبوا ايه وبيكرهوا ايه 
مبقدرش ابدً احس اني عارفاهم
او عارفة هما في اللحظة دي بيحسوا بايه
مبعرفش اقرأ افكارهم ولا مشاعرهم
انا مبعرفش اعمل كده مع نفسي
مبقدرش افهم النمط اللي انا بمشي عليها
علشان افهم نمط الناس اللي بحبهم
انا دايماً مش عارفة المفروض اقول ايه
ولا الناس اللي بحبهم محتاجين ايه
واغلب الوقت بحس وحش عن نفسي
علشان بحس انهم حاسين وحش عني
انا عادة دايما بيتقلي اني عمري ما هفهم اللي بيحصل جوه الاخرين
بجملة "انتي مش فاهمة"
لدرجة اني بدأت اقتنع اني عمري ما ببقي فاهمة
وان مشاعري قليلة ومش عميقة واني اغلب الوقت مش المفروض اكون فاهمة 
الاشخاص بيحسوا بايه
واني معنديش اختيارات كتير في مشاعري
وده شعور مؤلم
انا نفسي لما اقع في الحب
ابقي قادرة افهم الشخص اللي بحبه واقرأه بسهولة
انا عادة بنبهر بالناس اللي بتعرف تقرأني بسهولة
فوق الوصف 
وممكن اسيب الكون واهرب مع شخص بيعرف يقرأني
اعتقد انها من الاشياء الصغيرة التي لا تقدر بثمن
ان الناس متعرفكش تشوفك زي ما انت نفسك تكون
زي ما انت بتحلم تكون
انا بحاول مبهرش الكون دلوقتي وبحاول اقنع نفسي اني مش مبهرة
واني مش عاوزة ابهر الكون
انا مش بحاول.. انا بحلم بشخص ينبهر بيا في اسوء حالاتي
ينبهر بالتفاصيل الصغيرة والاشياء اللي نحدش بينبهر بيها
ومش مهتمة ان الكون مش بينبهر
انا بس بوثق اهمية 
انك تبقي قريب لدرجة انك تبقي عارف التفاصيل
اللي الناس اللي انت بتحبهم حاسين بيها

اليوم ال 97 من السعادة

Spirit Bound (Vampire Academy, #5)Spirit Bound by Richelle Mead
My rating: 5 of 5 stars

انا فضلت فترة كبيرة جداً بحلم بالكتاب ده وكنت واثقة انه هيكون يستحق كل الانتظار
وكان يستحق جداً.. كان يستحق كل الساعات اللي قضتها وكل السهر وكل التعب.. بعترف انه مش الجزء المفضل عندي زي التالت او الرابع ولكن ولكن : )) انا حبيت الجزء ومش مصدقة انه خلص وانه فاضل جزء واحد بس.. انا ممكن احب اقرأ للابد عنهم ومش مصدقة ان الكاتبة خلصت السلسلة اصلا.. مش حاسة ان في شيء ممكن يحصل يخلي السلسلة تخلص.. كلنا متفقين انها بتكتب احسن من اي حد احنا قرأنا له قبل كده والحقيقة بعد خمس اجزاء مش حاسة ان ممكن اي شيء يحصل هي مش هتعرف تكمله او تخرج منه.. انا كنت واقعة في فكرة اني بحب احساس اني اقرأ شيء مش عارفاه ومش بعرف اتوقعه ومش بشوف اي احداث جاية ومش بقدر احدد الطريق اللي الكاتبة هتمشي فيه.. عادة لما بتبقي بتقرأ قصص اغلب الوقت وبتتفرج علي افلام كتير وبتكتب انت اصلا قصص بيبقي صعب اوي انك متقدرش تتوقع كل اللي هيحصل.. انا مكنتش بحاول حتي اتوقع وهنا بتظهر قد ايه هي كاتبة شاطرة..
انا وصلت في نص الكتاب لمرحلة اني اعتدت جداً الكتاب والقصص ولما بقيت بقفل الكتاب بحس ان الكتاب هو الواقع وحياتي هي مجرد فترات فارغة مش حقيقة ومش واقعية لحد ما افتح الكتاب تاني.. واعتدت جداً الشخصيات لدرجة اني كنت حاسة اني مش عندي ريفيو اكتبه.. الشخصيات كلها بتتصرف كما يجب.. وكل الاحداث بتحصل كما يجب.. مفيش شيء حصل كان غريب او مش مكتوب كويس مفيش شيء حصل يخليك تحس ان الكاتبة اختارت غلط
انا واقعة في حب الفكرة انها خططت لكل الاجزاء قبل ما تبدأ الجزء الاول فكانت عارفة هي بتعمل ايه بظبط .. اعتدت جداً اني اعيط وأنا بقرأ وبطلت اقف واسأل نفسي أنا بعيط ليه.. الحمد الله الكتاب مكنش له تأثير سلبي عليا زي الجزء التالت والرابع.. واعترف ان السلسلة كلها مأثرة عليا اكثر مما يجب
عمق القصة وعمق المشاعر وعمق الشخصيات كلها حاجات انا بخاف منها ومش بعملها في قصصي وبنبهر بسهولة جداً باي حد يقدر يخليني احس بحاجات انا عمري ما حسيت بيها قبل كده.. وده اكتر شيء الكتب الخمسة كانوا بيلعبوا عليه.. الطريقة اللي الكتاب بيوقعك في الحب.. والطريقة الي الناس بتحب بيها بعض.. الطريقة اللي الناس في الكتاب بيقروا بيها بعض.. وقد ايه هما عارفين بعض ومش محتاجين كلام علشان يفهموا كل شيء بيدور داخل الاخر.. وده مش ..بيحصل في العالم الواقعي مش بيحصل معايا ومش بعرف اعمله ومهما انت كنت عارف الشخصيات كويس جداً بيبقي صعب أنك تفهم هما حاسين ب ايه.. انا بحب ثقة الشخصيات في انهم عارفين بعض كويس جداً .. خصوصاً روز وديميتري وكنت مبسوطة ان روز فاهمة كل شيء ديميتري بيمر بيه.. كان هيبقي من القسوة انها بعد كل ده حتي ميبقاش ليه حق تفهم هو حاسس بايه.. انا بحب روز وبقدر ارليت بروز اغلب الوقت.. وبحب جداً ان مفيش اي شيء بيوقف في طريقها.. انا بحب تهورها وبحب الطريقة اللي هي بتدافع بيها عن نفسها وبحب ثقتها في نفسها ثقتها انها فاهمة كل اللي بيحصل وانها مش بتندم علي اي شيء بتقوله او بتحس انها ساذجة وبحب انها اغلب الوقت بتضحكني.. تجربة لطيفة جداً انك تقرأ كتاب اغلب الوقت البطلة فيه بتضحكك..
ومبسوطة بدميتري مبسوطة جداً ب ديميتري.. حتي لو كنت ببقي متعصبة وعاوزة احدف الكتاب.. حتي لو كنت ببقي متعصبة من ليز وحتي و كنت بحس انا ذات نفسي بالغيرة.. مش المفروض الكتب اللي بتكلم عن الفامبيرز تكون بهذا العمق وده شيء لسه بيبهرني..
انا مكنتش بحب ادرين بس انا بدأت احبه واتقبل وجوده واني هفضل مبسوطة حتي لو هو روز فضلوا سوا : ))
انا بس مش عجبني ان روز تبقي بتحب الاتنين وان انها تكون بتروح في كل الاتجاهات.. واعتقد انا في كل مرة هفضل ديميتري حتي لو بدأت احب ادرين وده اكتر شيء كنت حاسس انه غلط ومش المفروض يحصل او مش المفروض روز تعمل كده.. اعتقد بس انا عندي قدرة اني اتفهم مواقف الشخصيات دايماً بتقبلهم.. واعتقد انه ده ا ب روز عادي .. حصل قبل كده مع ميسون ومكنش فيه حد مضايق زي المرة دي.. انا بس متحمسة اعرف ايه اللي هيحصل
الكتاب كتير اوي انك تقدر لما تخلصه تكتب ريفيو واحد عن كل شيء حصل.. وانا كنت راضية عن اللي بيحصل ومكنتش بفكر اني هبقي محتاجة اكتب ريفيو عن شيء بهذا الجمال.. حبيت جداً بداية الكتاب والرسايل
انا بحب الحاجات الجديدة اللي بحس بيها وبحب الافكار والراسيل اللي بتوصلي
انا راضية عن الكتاب ومبسوطة جداً جداً جداً بيه
#عيون_من_قلوب


View all my reviews

الجمعة، 24 مارس 2017

يوم ال 98 من السعادة

يوم الجمعة:
انا صحيت متحمسة اذاكر جداً
روحت مع هندا النادي
شوبينج موود ايز اوون
وقضيت عدد من الساعات 
بقرأ
وبغرق في الحب
#توثيق_للايام

الخميس، 23 مارس 2017

اليوم ال 99 من السعادة

انا قضيت النهاردة اليوم
مع اصدقائي 
كل شيء يصبح جيداً
في وجود الاصدقاء

انا قضيت 9 ساعات بقرأ 
الجزء الخامس ومبسوطة جداً 
* _ *
9 ساعات متواصلة من القراءة
علي ضوء الكهارب
وقعت نايمة وانا ماسكة الكتاب
وصحيت بعدها ساعة 
قومت انام في جمب ماما

VA بيغرقك جواه 
#توثيق

sharon van etten

انا بقالي ممكن
4 سنين بهرب من البومها الجديد
اللي لم يعد طبعا بعد ال 4 سنين جديد
وفي الاخر انا بسمعه بدون توقف
خلفية رائعة للمذاكرة

الحياة اشياء بتجري ورانا
فبنهرب منها
وبعدان بنجري وراها
وبنقع في حبها 
انا غرقانة في كتاب والبوم
والاتنين يشبهوا بعض كثيراً 

الأربعاء، 22 مارس 2017

عن النهاردة ال يوم ال 100 من السعادة

كل اللي انا محتاجاه
هو يوم نقضيه سوا
ونكون علي طبيعتنا
ونضحك فيه علي كل شيء 
علشان يبقي يوم جميل
علشان كل المخاوف بتاعتي
تختفي
والهم يبقي اخف لما يشاركك اخرين
انا بحبهم 
كل واحدة فيهم
وكل تفصيلة صغيرة فيهم
بحب الحاجات اللي بيحبوها
والناس اللي بيحبوها
ومهما ببعد بفضل احبهم
ومبقدرش ابطل
وبحلم انهم يكونوا بيبادلوني الحب
وبقالي فترة واثقة من ده
انا مبسوطة النهاردة
وممتن لوجودكم في حياتي كلكم : )))
ممتنة لكل الوقت الل قضناه سوا
واني مبحسش بالوحدة واحنا سوا
مبحسش بالوحدة 
وانا مع اي واحدة فيكم * _ *
بحس اني محظوظة 
اني عندي اصدقاء زيكم
الواحد معتقدش كان ممكن يحلم باكتر من كده
توثيق لليوم الغريب 
اللي ممكن ببساطة نسميه عادل 

فاضل 100 يوم

فاضل 100 يوم واتخرج
وده طبعاً شيء 
اقيم له الاحتفالات : )))

ولكن في الحقيقة هما اسوء 100 يوم
في كل الايام في الاربع سنين اللي فاتت
كل شيء مزنوق بظبط في شهر 
وانا مش مركز وبنص دماغ
بحاول اجري ورا الاشياء
والاشياء بتجري ورايا
بحاول اخلص كل شيء 
ومقصرش في اي شيء
واحاول استمتع باي شيء
نصحيتنا لاي شخص في الكلية
حاول تستمتع باي شيء وتدور علي حاجات تسعدك
لان دي الاشياء الباقية في عمرنا

الثلاثاء، 21 مارس 2017

هل نكف عن الاحلام؟

بحب اسأل نفسي
كل يوم
أحنا امته هنبطل نحلم باشخاص
انا في المكان الذي يجب ان اكون فيه
امثل الدور الامثل لي
انا بظبط حيث المفترض ان اكون
واريد أن اكف عن الاحلام

الأحد، 19 مارس 2017

he steals love so he can feel alive


It's understood
You'll be a man by the time I see you
We've been through better days
And you've tasted all my pain

Break my legs so I won't walk to you
Cut my tongue so I can't talk to you
Burn my skin so I can't feel you
Stab my eyes so I can't see
Your love is killing me

You tell me that you like it
When our minds become diseased

Try to tell you this when I'm sober, how I feel about loving you
Try to remember all the turn of events
Being led by our own fantasies, fantasies

There he let it go, his temper, standing there
See her with his gun and he, steals love so he can feel alive
Everyone's knees knockin' at the fear of love
Taste blood
Everybody needs to feel

Break my legs so I won't run to you
Steal my soul so I am one with you
From a distance I am on to you
But I'll stab my eyes out so I can't see

You love me as you torture me
You told me that you liked it
But I won't let you see
All that I can do is what I can
With this pain you've given me
With this pain you've given me
Your love is killing me
Yes all your pain is killing me
الاغنية اللي ببساطة بتحكي بالتفاصيل احساسي بروز
اتجاه دميتري 

البوست كان المفروض يحكي عن الاغنية او احساسي بروز اتجاه ديميتري
وانا اضطريت اشرح مشاعري اتجاه الكتاب قبل ما اقدر اشرح مشاعري اتجاه دميتري
الاغنية ببساطة بتحكي عن قصص الحب القوية التي لا تستطيع ابداً تمزيقها
وروز بتطارد ديميتري في انحاء روسيا لا شيء ابداً يقدر يقف في طريقها
الحب كان بيقتلها وبيقتلني
ديمتري كان بيحاول يهرب منها وهي بتحاول بس تقتله 
حرفياً بنمثل في تمثيلة بعنوان من الحب ما قتل 
قد ايه هما مروا بايام احسن من المطاردات ومحاولات القتل المستمرة
وقد ايه هو عارفها وعارف كل الاشياء اللي هي ممكن تحس بيها
كل اللالم اللي ممكن تحس بيه
وانه كان محتاج حرفياً علشان يوقفها من انها تطارده
انه يقتلها اويقطع رجلها علشان متجريش ناحيته، يقطع لسانها علشان متقدرش تكلم معاه، يحرق جلدها علشان تببطل تحس بيه، او يطعنها في عينيها علشان ببساطة تبطل تشوف.. وبالرغم انها من اقسي التعبيرات اللي ممكن حد يوصف الحب بيها
الا انها كانت معبرة جداً.. وتشبه جو الرواية من قتل ودم
اللحظات اللي روز كانت بتحاول تبقي في وعيها وتفكر في كل الاشياء اللي هي تعرفها عن الصح والغلط 
اللحظات اللي هي كانت بتبقي قريبة جداً من انها تختار طريق غلط بس علشان الحب وتبطل تحاول تهرب من المكان اللي هي محبوسة فيه
وكل شيء كانت بتحاول تدور عليه في ديميتري كل الاشياء اللي ببساطة بطلت تبقي موجودة.. التعلق بالامل ان الحب سيظل كما هو
روز مكنتش عارفة تقاوم اي شيء  كل شيء هي كانت عاوزه تقاومه
وكنت مقدرة جداً صعوبة الموقف ومكنتش غضبانة وكنت حاسة اني هقدر اتقبل كل اختيارتها واي شيء هي هتعمله
الهروب من الحب في اللحظة اللي انت ببساطة نفسك تستلم للحب
وتكمل حياتك مع الحب اللي انت للحظات كتيرة كنت قادر تتخلي عن كل الاشياء اللي انت عارفها، كل الاشياء اللي انت تربيت عليها انها غلط وانها بتدمر انسانيتك
الهروب في اللحظات اللي محتاج فيها تقف وتغرق في الحب
الهروب من كل شيء انت حلمت بيه يوم
كل المشاعر اللي روز حسيت بيها علي الجسر
وكل اللحظات اللي كانت بتندم فيها علي كل شي
انا بحب روز 
وبحب ديميتري
وبحب الجزء الرابع 
My rating: 5 of 5 stars
أنا عمري ما توقعت ان ده يبقي احلي كتاب في السلسلة كلها.. كنت متعصبة جداً وانا بقرأ في الاول وكنت شبه بكره الكتاب.وبكره حياتي كلها ومش مصدقة انها ..عملت كده فينا فعلاً بس اختيارات الكاتبة كانت مدهشة وغير متوقعة.. انا عمري ما قرأت شيء غير متوقع زي الكتاب ده .. عادة انا ببقي متوقعة او بيبقي دايما الاحداث ساذجة وسهل تصدق انها ممكن تحصل
كالعادة الكتاب مليان مشاعر كتير بتغرقك جواها.. بس انا استمتعت جداً وغرقت جداً جوه الكتاب
انا مبسوطة انها مكسرتش قلبي بعد كل ده
مبسوطة انه انتهي نهاية سعيدة
الكتاب كان كئيب جداً واسود جداً وكان له تأثير سلبي جداً علي حالتي النفسية وكنت غرقانة في الحزن والذكريات وكل الاشياء التعيسة اللي مرت بيها روز طول الكتاب وفي نفس الوقت خلاني مذعورة وخايفة اغلب الوقت ومكنتش ببقي عارفة اخد نفسي وانا بقلب الصفحات بحاول اهرب من كل شيء ومش بثق في اي حد في كل الشخصيات وفي نفس الوقت كان بيوقعني في الحب في حب كل شيء
اعتقد انها من احسن اللي بيعرفوا يغرقوك في مشاعر كتير بعمق .. انا عمري ما حسيت بالشخصيات زي السلسة دي وزي الجزء ده
انت مش بتقرا الكتاب في اوضتك لا أنت حرفيا جوه الكتاب، جوه الشخصيات .. ممكن تشوف كل شيء بيحصل في القصة وتتخيل كل شيء
وده مش شيء سهل علي الكاتب وعمر ما حصلي كتير.. هي كانت رسمة الكتاب كويس والشخصيات لدرجة انهم مقنعين كلهم بيعملوا حاجات شبه نفسهم وانا بحب ده جداً.. وحقيقي الفيلم خلي كل شيء مختلف .. انت بتقرأ في الجزء الرابع ولسه مفيش اي شيء اتغير كل الشخصيات اللي انت شوفتها في الفيلم بتقدر تتخيلها زي ما هي .. من غير ما تحس ان الممثلين مش شبه الشخصيات
انا بحب جداً العلاقة بين روز ومامتها.. مش بس العلاقة دي .. بل العلاقات بينهم كلهم.. الواحد مش عارف يكتب ريفيو من غير ما يحرق الكتاب
بس حقيقي حقيقي الكتاب مدهش جداً جداً جداً
القصة كانت شاقة وطويلة ومرهقة اكتر من اي جزء .. كنت بتسافر مع روز بشوف كل شيء هي بتشوفه لاول مرة وبيمزق قلبك كل التفاصيل
انا كنت قافشة جداً وحطه ايدي علي خدي ومستنية اشوف ايه اللي هيحصل اللي هو بقي مش خبطتي دماغنا في الحيط وكسرتي قلبنا ورينا بقي هتعملي ايه
انا عمري ما توقعت انه يبقي اي شيء احسن من كده
انا بس مبسوطة جداً ومش عارفة اكتب ريفيو لائق ولكن مش مهم
المهم اننا مبسوطين جداً
نكتب الريفيو بعدين ولا يهمنا



the emptiness inside you

انا امبارح كتبت عن الكتب اللي بتوقظ قلبك بصدمات كهربائية 
وبتذكرك ان لك قلب ينبض
والنهاردة انا اكتشفت ان فيه الكثير من المشاعر التي لا اشعر بها 
وان كل من الاغنية والكتاب بيوصفوا مشاعر كتير انا مبحسش بيها عادة
مبحسش بيها في اليوم المعتاد بتاعي اكن قلبي اغلب اليوم نائم او غائب عن الوعي
انا ليا two moods
موود بحس اني بحس كل شيء اكثر عمقاً من الاخرين وان نوبات الحزن كثيرة ومرهقة وان محد بيفهم نوبات الحزن بتاعتي غير ساريت
وموود بحس فيه اني مبحسش بالعمق الكافي او مبحسش بكل التفاصيل اللي بتحصل حوليا وان مشاعري سطحية اكثر مما يجب
موود بحس اني بعرف احب وبحب احب الناس وان ده اكتر شيء انا بعرف اعمله
وموود بحس اني مبعرفش احب وغالبا عمري ما هعرف
وده اكيد تأثير الnegative self talk بتاعي
انا بميل لتصديق كل الاشياء السلبية عن نفسي في اكثر الاحيان
اني مبحسش بالمشاعر بالقدر الكافي واني مبعرفش احب 
واكتر شيء بحبه في الكتاب او الاغنية
انهم بيقدروا يخلوني احس بالاشياء انا مش هعيشها
وغالبا عمري ما هحس بيها
خصوصاً اني بعرف ا relate بشكل او باخر بكل التفاصيل اللي في الكتاب
وبيخليني اقع في الحب والاقي مشاعر احس بيها في اغلب الاوقات اللي ببقي فاضية ومعنديش اي شيء احس بيه 
وده شيء kind of pathetic  جداً 
ان الكتاب يبقي الاحداث اللي بتحصل في حياتك 
او المشاعر اللي بتحس بيها 
اللي انت من غيرها فارغ ومش جواك اي افكار او اي شيء تحس بيه

*الكتاب: vampire academy 
* الاغنية: your love is killing me

الاشياء التي توقظ قلبك

الكتب اللي بتقدر تكون
كصدمات كهربائية
توقظ قلبك
وتذكرك ان لك قلب
ينبض
احيانا
ولكنك كثيراً ما تنسي هذا

السبت، 18 مارس 2017

احلام مؤجلة؟

انا بحلم ب يوم
اصحي فيه بدري
البس وانزل لوحدي
اتمشي 
لحد المكان اللي انا نفسي اقعد فيه
واخد معايا كتابي المفضل
واقضي اليوم كله
بقرأ كتابي المفضل 
ف أكتر مكان نفسي اروحه 

الأربعاء، 15 مارس 2017

اين ذهبت متعة الاشياء

تستيقظ صباحاً 
لا شيء ممتع
تعرف انك بخير
ولكنك تشعر
انك صندوق نفايات
في قاع المحيط
لا شيء ممتع يحدث هنا
احلم بالاوقات 
عندما كان بامكانك 
ان تحي الاشياء الممتعة بخيالك
عندما كنت لا تتذكر
معني الحزن
ولا تعرف 
ما معني 
ان تكون فارغاً

السبت، 11 مارس 2017

يو والحب

كل سنة وانتي طيبة يا يو
انا مبسوطة جداً ان الاشياء كلها بتعدي وبتخلص
واحنا بنفضل سوا
العالم بيولع
واحنا بنفضل سوا
بنحارب بؤس الكلية 
وبنفضل سوا
العالم بدونك يا يو مكنش هيبقي مكان جميل
انا ممتن جداً لوجودك 
السنة دي وكل سنة
انا دايماً بقولك قد ايه انت شخص
مميز وجميل 
انت تستحق كل الاشياء الجميلة في الكون
انا بحبك يا يو
حتي احتراق النجوم
وبحب اشوفك سعيد
ربنا يسعدلي قلبك
ونفضل صحاب للابد
شكراً لكل اللحظات، الذكريات
وانك دايماً موجودة علشاني 

الثلاثاء، 7 مارس 2017

انجازات المدرسة

اول سنة اقضي الترمين في نفس المدرسة
في نفس الفصل مع نفس الصغننين
وبدأت اشوف الاثر
: )))))))
النهاردة كلن يوم حلو جداً
انا عادة شخص عندي قواعد واضحة
بحب الحاجات مرتبة وبحب الناس تحافظ علي اللعب
بحب الناس بتتعاون وتشارك بعض
وترجع كل شيء لمكانه 
انا عادة بعاني جداً مع الاطفال
علشان بيكونوا كريزي جدا
بيقطعوا الحاجات 
وبيرموها في الارض
ومش بيرجعوا اي شيء مكانه
ومش بيسمعوا اي كلام بتقوله
بس النهاردة كان نجاح
انهم اعتادوا كل شيء 
ومبقتش حتي محتاج تعلي صوتك في الفصل
كله مستمتع
وكلهم open جدا لفرص التعلم 
بيحبوا يتعلموا ويعرفوا حاجات جديدة
وبيتفعالوا مع اي شيء بعمله
وبيقعوا في الحب بسهولة
كل مرة مش بيرضوا يطلعوني من الفصل
وبفضل اتحضن لحد ما اطلع من باب المدرسة
انا عادة مش بهتم اني ابني علاقات عاطفية 
مع الاولاد بس يكتشف في الاخر 
انها بتبني نفسها
وفخورة جداً بالانجازات دي

الأحد، 5 مارس 2017

المتحف

أنا لو بحلم
اروح date فين
انا هحب اروح متحف
النهاردة في المتحف الزراعي
انا لقيت المكان
اللي انا عاوزة اتجوز فيه
وكان عندي تخيل
لكل التفاصيل
* _ *
وعنيا كانت عاملة قلوب

حلمت امبارح

حلمت امبارح 
اني جمعت كل فتيان احلامي
في اوضة واحدة
واكتشفت في الحلم 
انهم كتير وانهم مختلفين جداً جداً
وهما كانوا بيتعرفوا علي بعض
وبيعرفوا قد ايه 
انا شخص مختلف 

ديميتري

انا محتاجة وقت 
علشان اقرأ 
الاربع اجزاء من الاول
انا بحب ديميتري
ونفس اعرف اتكلم عنه 
أنا بحب اقضي وقت معاهم
وبحس انهم اكتر ناس شبهي

الجمعة، 3 مارس 2017

أنا و روز

انا وحشني موبيلي
وابليكشن الغنا
وحشني صوتي

انا بحس وحش عن نفسي اغلب الوقت
وبحلم اكون زي روز
عمرها ما بتحس وحش عن نفسها

بحلم مكونش ضعيف ومكنش صغير

انا انا غير مدرك لسني
وبخاف الناس متحبنيش
بخاف اخاطر
ومش ناوي اخاطر
بحلم لو كان ينفع نعيش الحياة مرتين
واخد فرصة اني اخاطر

انا النهاردة صحيت من النوم
برغبة اني اتعلم فنون قتالية
او اي شيء
يتيح ليا الفرصة اني اكون عنيف
واضرب اشياء
وده شيء كان المفروض اعمله من زمان


انا شبه روز اكثر مما ينبغي



قلبي

قلبي يوقظني ليلاً
يحملني ويقذف بي بعيداً
يأتي بي ثم يتوقف عن النبض 
يخذلني ثم يسأل لماذا 
ماذا تريد يا قلب؟
توقف والا انتزعتك من مكانك
والقيت بيك في اقرب صندوق  نفايات
 ولم التفت خلفي
او تبرعت بك 
لطفلة صغيرة كسر قلبها
او لمتسول يجول الشوارع ليلاً يحلم بالحب
او لعالم يحاول ان يصنع فرنكشتاين
"فرنكشتاين الذي يحب العناق"
انا لا اهتم كثيراً لمصيرك
مسكين انت يا قلب
بالكاد تقوم بوظائفك
مهشم ومحطم 
ولكنك مازلت تؤرقني 
ولا تحتاج الكثير حتي 
تفيض بكل الحب بداخلك
ولكني مشغولة الليلة
مشغولة كل ليلة 

Everything you touch, surely dies

Well you only need the light when it's burning low
Only miss the sun when it starts to snow
Only know you love her when you let her go
Only know you've been high when you're feeling low
Only hate the road when you're missing home
Only know you love her when you let her go
And you let her go

Staring at the bottom of your glass
Hoping one day you'll make a dream last
But dreams come slow and they go so fast
You see her when you close your eyes
Maybe one day you'll understand why
Everything you touch, surely dies

Staring at the ceiling in the dark
Same old empty feeling in your heart
'Cause love comes slow and it goes so fast
Well you see her when you fall asleep
But never to touch and never to keep
'Cause you loved her too much and you dive too deep

'Cause you only need the light when it's burning low
Only miss the sun when it starts to snow
Only know you love her when you let her go
Only know you've been high when you're feeling low
Only hate the road when you're missing home
Only know you love her when you let her go
And you let her go
استلقي علي السرير تحت الكهارب اقرا كتابي المفضل
واكرر الاغنية حتي احتراق النجوم
وتسلل الدموع الي عيناي ولا ادري السبب
للكتب الحلوة والاغنية الحلوة
اللي بتخطف قلوبنا
يارب السما تمطر علي الجزء الخامس

I am worried يا جدعان

الاشياء التي ندّعي
انها لا تؤلمنا
والاصدقاء
الذين  يبقون اسرار

ايه يا جدعان فيه ايه؟!

الأربعاء، 1 مارس 2017

فكرة اليوم

بفكر اليوم
what if people don't like me
in the real world
انا مش عارفة
امته الناس بقوا مهمين بالنسبة لي
وبفكر اذا كنت بخاف الناس متعجبش بيا
او اذا كنت بخاف
الناس اللي بحبهم مش يحبوني
اعتقد انا بحاول افسر كل شيء
وبحاول ادور علي طرف خيط علشان اوصل لاي شيء
بس انا مش بوصل لاي شيء
انا بس بوثق

هعمل ايه لما يبقي معايا فلوس

1- عاوزة اشتري الجزء الخامس من vampire academy
2- عاوزة اروح كلاس يوجا
3- عاوزة احضر ورشة الافلام القصيرة
4- عاوزة اشتري خيط
5- عاوزة ابروز البازل
6- عاوزة اشتري Scrapbooking
7- اصلح شاشة موبيلي
8-هلون شعري تيركواز
9- ورشة الكتابة 
10-

اسطورة

اسطورة 
شعرنا اللي بيغير لونه
وده اسنه ايه ان شاء الله!