.

.

الاثنين، 28 ديسمبر 2015

queen

دايما ينفع
ترجع لمرحلة
queen
وتلاقي حاجات
مش سمعتها قبل كده
* _ *
وتقع في الحب

كبرت ونسيت أن انسي

بطلت من فترة
اشارك حاجاتي المفضلة
مع الناس 
بس كنت حاسة
ان آية لازم تقرأ لبثينة العيسي
وكتبتلها عن مدي ترددي 
أني اشتريلها الكتاب
ولكن في الاخر اشتريتهولها
انا بحب ركورد يو
بعد قرأتها للرواية

وبحلم في يوم
اكون بكتب عن الحب
زي بثينة العيسي
واني اوقع الناس في الحب
وانا بوقع شخصياتي في الحب

انا ممتنة لوجود 
الكتب 
اللي بتوقعك في الحب

الاشياء

الاشياء التي نرغب فيها
الاشيءا التي تطاردنا
طوال اليوم
ولا نستطيع
ان نفعل اي شيء حيالها

اول يوم من غير ماما

امبارح وانا لاول مرة
بحضر مع مامتي شنتطها
قولتلها
ماما انا مكنتش بحبك زمان
ماما الشخص اللي بقدر اقوله
حاجات مبقدرش اقولها لحد
زي اني مش عاوزها تموت
او زي اني مكنتش بحبها زمان
الناس بتبقي شايفة
انك طبيعي تحب اهلك
بس ده مش طبيعي بالنسبة لي
انا كنت بخاف وانا صغيرة اوي
لما اسيب ماما
وكنت بحس اني هموت قبل ما اشوفها
وانا في رابعة ابتدائي
فضلت اتحايل علي ماما
توديني ابات عند تقي اللي هو اكتر شيء متعودين عليه
ولما روخت هناك كنت بفضل اعيطلها في التليفون
واخر يوم قضيته في السرير 
تقي وتقي بيجروا وبيرشوا علي بعض ماية
وانا بقرأ قرآن وبدعي ربنا مموتش قبل ما اشوف ماما وفضلت اعيط لحد ما روحت
انا مؤمنة ان محدش في الكون
يقدر يستحملني
ولا يستحمل الحب القاتل
والتعلق الشديد
بس ماما مستحملة 
شكرا ماما
اعتقد ربنا بيعلمنا نكون اقوي
وانا حقيقي مش متاكدة 
اني هقدر اعدي المرحلةدي
امتحانات قلق ومفيش ماما
ممكن حد يتبناني؟

الأحد، 27 ديسمبر 2015

أنا

انا رسائل شكر
رسائل حب
وجوابات
ظروف بني 
وطرود في البريد
انا رسومات 
ولوحات من حول العالم
انا حب الغرباء للغرباء
والكثير من الامنيات السعيدة
انا السعادة
وانا التحمس 
انا فرع كهارب
بينور وبيطفي
وبيحلم في يوم ينور علي طول
بيحلم في يوم ينور القلوب
انا بحلم
اكون محبة
والكثير من الذكريات السعيدة
ان اكون سعادة تقذف في قلوب الاخرين
وان يكون لي اثر وعلامات في الطريق 
انا بحلم اكون
خفيف 

انا وماما

امبارح استغليت 
ان ماما بتكلم مع جدو
وفضلت اضفر لها شعرها
خصل صغننة كتير كتير

فاضل 18 ساعة
وفاضل 15 يوم
ويرجعلي اكتر اتنين 
علي كوكب الارض بحبهم


رنيم هتعمل ايه

للا كانت بتقولي
انها لما تبقي زعلانة 
او مضايق 
بتفضل تفكر
رنيم كانت هتعمل ايه؟

انا بحب اكون 
جوي في انسيد اوت
بحب اكون سعادة
واقتنع اني  انا السعادة
وكان من الطبيعي جداً
اني اعدي مرحلة
القلق، الخوف والحزن
اني الاقي الطريق من جديد
بدون قلق بدون خوف
واتخلص مالاشياء اللي بتقلني

وابدأ فعلاً اكون زي ما للا 
شايفني .. واللي هو ابعد ما يكون عني
بس احيانا بنحاول نبقي الحاجه اللي الناس شايفها فينا
حتي لو هي مش فينا

انا كويسة في اني 
احط لنفسي صور ، واشياء المفروض تبقي فيا
واخليها فيا 
ف انا حبه ارجع تاني انا
بالسعادة والبلاهة والتفاهة
بحاجات عاوزة احققها
وناس عاوزة اعرفهم
ونعيد من اول تاني 2014

السبت، 26 ديسمبر 2015

عن يوم الجمعة

اللحظات اللي بتكتشف فيها
انك احيانا بتفقد قدرتك 
علي ارسال حب للاخرين
لانك وببساطة معبء بالمشاعر السلبية
انت بخير ولا تشعر بالحزن
وبتصدم في مدي عدم قدرتك 
علي ارسال لمن حولك من الغرباء حب
ويديك مثلجة تماماً

انا ممتن لكمية الاحضان اللي اخدتها
ولكمية الحب اللي اتلقتها
ولكمية الحب اللي حاولت ارسلها

انا عادة مش بواجه مشاكل في ارسال الحب للاخرين
ولا اواجه مشاكل في الوقوع في حب الغرباء
واني احب لهم الخير

متفقدش تركيزك مع قلبك
ومع مدي نقاء قلبك
مع قدرتك انك تحب الناس متعرفهومش
وقدرتك علي ارسال الحب للاخرين
قدرتك علي التسامح وترك الاشياء
تعود الي حيث تنتمي

للتجارب المميزة القليلة التي نمر بها
وبنمر بيها لوحدنا

انا مكنتش مكسوفة وانا بعيط
ومكنتش عارفة اقاوم اعيط
ولا عارفة ابطل اعيط
ومكنتش بحاول اوقف عياط 

العياط الغير مبرر
اللي كان مزيج
من التعاطف الشديد
والمسئولية
والمشاعر السلبية
الغضب
وعدم نقاء قلبك

مزيج من عدم التسامح
وعدم الرضا عن النفس

عدم قدرتك علي حب الكون 
في هذه اللحظة
وانت من فرط ثقتك
في قدرتك علي سحب 
الحزن من الناس
تكاد تتاخذها كمهنة لك

ربنا ساعات بيبعتك للناس
تطبطب عليهم 
وتحبهم وترسلهم سعادة 
ساعات بيبعتلك ناس
تحط ايديهم علي ايدك
وتحضنك من غير ما تبعد
احضان طويلة 

كرر امنياتك للكون
ومتفوتش يوم من غير ما ترسل
حب ودعاء للغرباء
وتقبل تعاطفك 
مع كل شيء يؤلمك
تقبل تعاطفك
مع كل التفاصيل الصغيرة
وكل الظلم الواقع علي هذا العالم
ولا تقاوم البكاء
ابكي حتي تسقط في النوم
من فرط البكاء
علي اشياء لا تستطيع تغيرها
علي اشياء تتعاطف معاها
رغم صغرها، وبساطتها
رغم أنها لا تخصك أنت
تقبل أن تبكي للاخرين
ولا تقاوم أن تفتح قلبك 
علي هذا العالم
لا تقاوم أن تبكي الاخرين
في مشاكلهم وأن تتعاطف معهم
تمني للكون من حولك
الخير اين ما كان
ولا تدع نفسك تمتلئ
بالكره والغضب


** كلاس اليوجا 

الجمعة، 25 ديسمبر 2015

انا وكاثرين

عادة انا الشخص
اللي بيحب يتكلم كتير
وبيحب يبقي عنده قصص كتير
واغلب الحاجات اللي بقرأ عنها
غريبة ومريبة 
بقرأ عنها علشان اتكلم فيها
ودلوقتي اكتشفت
ان كاثرين 
عندها مغامرات كتير
وتفاصيل كتير في حياتها
انا بحب اتكلم عنها
انا بمبسط وانا بحكي عن كاثرين
وانا بفتكر التفاصيل
وابدي دهشتي لاشياء مدهشة
انا بحب ان حياة كاثرين مختلفة
واني بالهوس بقي عندي حكايات مختلفة
حكايات مختلفة عن كاثرين

الخميس، 24 ديسمبر 2015

un pas, deux pas.


un pas, deux pas, fais- toi des ailes!
une main, deux mains, va vers le ciel!
une jambe, deux jambes, vas-y décolle!
un bras, deux bras, ça y est, tu volés!
انا في شريط الفيديو
صغيرة جداً
يادوبك بمشي
ولابسة فستان احمرطويل
وبنط علي رجل واحدة
وبدور علي الاغنية
وبغني معاها
بطلع فوق الطرابيزة
وبنط 
وبطلع تاني
بمارس اكثر شيء مفضل عندي
اللي هو النط : )

اسوء شيء حصالي ان الشريط ده
ضاع
ومش لاقية الاغنية علي اليوتيوب
انا لسه بسمع صوت  ماما 
وانا وهي بنغني سوا 
وبشوفني بالفستان الاحمر المريب
منعكشة كالعادة 
كعادتي في طفولتي 
وبستمتع : ))))

catherine pierce

شكراً كاثرين
علشان قضيتي معايا وقت كتير
وقت كتير عصيب
علشان مش سبتيني لوحدي
انا ممتنة جداً ليكي
لكل الحاجات الحلوة اللي فيك
وكل الحاجات الحلوة اللي 
اكتشفت انها فيا
شكراً علشان  بتوقعينا في حب كل حاجه
كل حاجه في الكون
انا ممتن جداً
لكل التفاصيل الصغيرة
وللهوس
لكونك جزء من احلامي
وجزء من يومي
وجزء من كتاباتي ورسوماتي
وجزء من الاغاني اللي بحبها
شكراً علي الحاجات اللي شبهي
والحاجات اللي بقيت شبهي

الأربعاء، 23 ديسمبر 2015

Rivers and roads

A year from now we'll all be gone
All our friends will move away
And they're goin' to better places
But our friends will be gone away

Nothin' is as it has been
And I miss your face like hell
And I guess it's just as well
But I miss your face like hell


Been talkin' 'bout the way things change
And my family lives in a different state
If you don't know what to make of this
Then we will not relate
So if you don't know what to make of this
Then we will not relate


Rivers and roads
Rivers and roads
Rivers 'til I reach you

ارزقهم بقلوب من الحب

الحاجات اللي بتخلينا نعيط
والمواقف اللي بنبقي قاسين فيها
زيادة عن اللزوم
الحاجات اللي بنحاسب نفسنا عليها
هي هي كل يوم
وبنام ندعي ربنا
ميخلناش قاسين
وميخلناش نكسر قلوب
ويخلينا طيبين
حتي واحنا عارفين 
اننا ابعد ما يكون عن الطيبة
الحاجات اللي بتوقعنا
والحاجات اللي بنقتلها
والحاجات اللي بتصحي تاني
وتجري ورانا
تطلع لنا في احلامنا
للاحساس بالذنب اللي مش بيروح
والطرق اللي كانت ماشية صح
لحد ما فضلت تدور تدور تدور
وفجاة فتحت عينك لقيتها
ماشية غلط
الاشياء اللي بتبان من اولها
والحاجات اللي بتجري وراها
ف بتجري وراك
وبتجري وراها لما تكون هي 
مش عاوزة تجري ناحيتك
وبتجري وراك لما انت 
بتكون لفيت لها ضهرك ومشيت

يارب 
متكسرليش قلبي 
ومتخلنيش اكسر قلب حد
وابدل الناس اللي 
كسرتلهم قلوبهم علي طول الخط
بقلوب من حب


الكتب

انا ليست
كتب عاوزاها
ودارات ملهاش منافذ بيع
في مصر
انا ليست 
كتب بحلم بيها موقعة 
ومش عارفة اشتريها
ولا عارفة اوقعها
انا ليست 
كتب 
بحلم بيها 
ومش بلاقيها



أنا

انا اكتشفت النهاردة
انا مجموعة احداث مهمة
حصلت في حياتي
الاحداث دي 
مش عني تماما
ولكن جزء من تعريفي لنفسي
اشياء بتعرفها تعرفني
قصص وشخصيات 
بتمحور حولها

وكان السؤال 
أنا امته هعرف نفسي
كمجموعة احداث 
كمجموعة اشخاص 
كمجموعة اشياء 
بتفقد اهتمامها

السنة دي

السنة دي انا قرأت
4 من كتبي المفضلة
اكتشفت مزيد من الكتاب المفضلين
انا سعيدة جداً بالكتب الحلوة اللي قرأتها
الكتب اللي كلها انا اللي اشترتها لنفسي

شكراً رنبو علشان كنتي كاتبة السنة دي
وبثينة العيسي علشان عمرها ما بتكسر قلبنا
 * _ *

fangirl
elenor and park
كبرت ونسيت أن انسي
قيس وليلي والذئب

مشاعري

الاشياء 
اللي مش بعرف اوصفها
ولا بعرف اتكلم عنها
الاشياء اللي مش بعرف سببها
ولا بلاقيلها مبرر
الاشياء اللي ببقي عاوزاها اوي
ومش عارفة هي هتجيلي ازاي
الاشياء اللي بفكر فيها كتير
وبحاول اتجاهلها
الاشياء اللي بقرأ عنها
من كتير ما انا بفكر فيها
وبفتح تابز كتير
ومبقفلهاش
بقرأ الحاجات نفسها مليون مرة
وبغمض عيني كل يوم قبل ما انام
وافضل ادعي تجيلي
مش عارفة ازاي هتجيلي
بس الكون ممكن يتشقلب
وتجيلي
الحاجات اللي مواقفنا فيها
بتتصاعد بسهولة جداً
ورغبتنا فيها بتطلع وتنزل في لمح البصر
للحاجات اللي بنقرأ عنها في ويكبيديا
وبنقرأ عن عكسها
انك تعوز كل شيء
او لا شيء 

الثلاثاء، 22 ديسمبر 2015

الثقة بالله

الثقة بالله وبنفسك

الحمد الله : )
شكراً ربنا
علشان الحاجات بتخلص
بتخلص وبتمشي ومش بترجع تاني
شكراً علشان بتطمن قلبي
ومش بتخلي الخوف يجي
وبيتخليني مركز اطمئننان للاخرين
: )))))

الاثنين، 21 ديسمبر 2015

انا والحب والناس

الناس اللي بنحبهم
اللي مش بيعبروا عن حبهم
مش بيعبروا كفاية
الناس اللي مش بنبقي 
عرفين مشاعرهم
ومحتاجين منهم دايما
انهم يثبتولنا ده
او يقولولنا

الشخصيات دي
انا مش بحبني وانا معاهم
مش بحبني وانا متعلقة
وانا متطلبة

يارب ارزقنا 
المزيد من الشخصيات
اللي بنبقي متأكدين منهم
اكتر ما احنا متأكدين 
من نفسنا

ماما

أنا عاوزة ماما
بس ماما لسه مش سافرت
طيب فين ماما
ماما نامت
طيب انا عاوزة ماما
هو مينفعش 
نصحي الناس 
علشان عاوزينهم

الأحد، 20 ديسمبر 2015

happiness

فجاة سعادتها 
خبطتها 
زي جردل ماية ساقعة
سقط من الدور ال 30
علي دماغك في الشتا
فضلت تجري
فضلت تحاول تخبيها في اركان البيت
تحاول تخبيها تحت السرير
تحاول تخبيها تحت الماية
شافتها بتغرق في حوض المطبخ
وقفت تراقبها
وهي عمالة تدور في دوامة
تبعد وتختفي 


honest man

She thinks that she could have it all
So she holding on for something more
She sees the writing on the wall
But she still has her doubts

السبت، 19 ديسمبر 2015

رنيما والركوردات علي الموبيل القديم

ركوردات كتير
انا ولي لي 
اغاني بحبها
الاغاني المفضلة
اغاني الطفولة
انا بألف قصص
أنا بحكي اي كلام
أنا بغني في الشارع 
انا وانا بقرأ قصائد
باسكال وهو بيقرأ القصائد
أنا وأنا بقرأ حتت من كتب
أنا وانا بعزف علي الاورج
محاضرات كتير
ركورد من ناس بحبهم 
ركوردات انا بحدد فيها موقفي
ركوردات أنا بحاول افهم موقفي
ركوردات أنا وأنا بجرب ابعت ركوردات للناس
ركوردات فيها كل الاغاني المفضلة عندي
ركوردات غلط
ركوردات رسايل للحب
رسايل كتير للحب
كلمات اغاني
انا وانا بغني
وهو منقسم جزئين
انا وانا بغني مع الاغاني
ودي الركوردات المفضلة عندي
وانا وانا بغني لوحدي
صوت كاثرين
صوت السون
صوتي معاهم
ركوردات وانا بحكي حواديت غريبة
ركوردات توثيق
ركوردات وانا بعمل هبل
ركوردات وانا بسمع القرآن
ركوردات ل اذكار الصباح والمساء بصوتي


لو مسمعتش الركوردات
يبقي انت متعرفنيش


حدوته غريبة

انا بحكي حواديت غريبة
"كان فيه بنت مكنتش بتحب حياتها
ولا بتحب المكان الي عايشة فيه
وكان نفسها تروح تستكشف القمر
راحت القمر لقته كله زهور 
شمت الزهور لقيتها رحتها سبانخ
ف اتقرفت من القمر 
وقالت انا عمري ما هاجي القمر ده تاني
اخدت مكوكها الفضائي ورجعت الارض
نزلت في مكان كله وزهور 
شمت الزهور لقيت رحتها حلوة
فقالت ان الكوكب حلو ورضيت عن حياتها
وغيرت نفسها وبقيت ستسفايد ومكتفية بالحاجات اللي ربنا اداهلها
ولقيت ان حياتها احسن حياة
لانها لما راحت تجرب حاجات جديدة 
لقيت الحاجات الجديدة زبالة. "
ده ركورد ليا وانا بحكي لهند حدودة
وبقنعها ان مفيش اسهل من الحواديت
انا الفت القصة وحكتها في ركورد مدته 44 ثانية
اعتقد ان الحواديت وراثة * _ *

يارب

امنحني
المزيد
من الحب
والرضا
والسعادة

اتفقنا؟

انا بحب اشغل حاجه جمبي وانا بذاكر
ومش دايما الحاجه دي بتكون اغاني
خصوصا وقت الامتحانات
الواحد اصلا 
كبر اوي علي انه يعمل حاجات غلط
هو عارف انها غلط
بس مش ده موضوعنا
ساعات الحاجات دي بتكون عمرو خالد 
او تفسير السور في القران
وانا قررت السنة دي
ان كل يوم ننقي سورة
نسمعها طول اليوم
بجانب اي دروس عاوزة اسمعها
ساعات لما بصحي مش ببقي 
اقدرة اركز اسمع كلام معرفوش
ساعات ببقي بس عاوزة اسمع
سور من القران مألوفة 

الحمد الله

انا والقراءة

انا وانا صغيرة
كنت بحب القراءة
بس انا كتشفت اني مستغلتش 
نفسي كويس 
ومستغلتش الهوس من اوله
كنت بحب المكتبة
وقضيت اغلب وقتي في المكتبة
بس مكنتش بقرأ الكتب
كنت بنظمها
انا بحب الكتب 
الكتب كلها 
مكنتش عنواين الكتب بتلفت انتباهي
ومكنتش من الفضول بفتحها
قضيت وقت كتير 
في مكتبة النادي
بس مكنتش ببقي مهتمية اقرأ
قد ما انا مهتمية اقضي وقت
بجانب الكتب

وده اكتر شيء غريب عملته في حياتي
انا عاوزة بابي اكفله
#احلام

الخميس، 17 ديسمبر 2015

waitress

Jenna: Dear Baby, I hope someday somebody wants to hold you for 20 minutes straight and that's all they do. They don't pull away. They don't look at your face. They don't try to kiss you. All they do is wrap you up in their arms and hold on tight, without an ounce of selfishness to it.


التجاهل

الخطة اني هتجاهل
هتجاهل 
ان ماما مسافرة في الامتحانات
اني لوحدي 
وهبقي لوحدي
ان للا هترجع في الامتحانات
ان للا هتسافر تاني في الامتحانات
ان عندي امتحانات
واني خايفة من الامتحانات

توثيق

حالياَ
لا يوجد اي شيء
غير
the weepies
light me up
lungs
rivers and roads

انا لو كنت اغنية

انا لو كنت اغنية
كنت هبقي
light me up
انا شبه
الموسيقي
اغلب الكلمات
صوت الراجل
والتكرار

مر قالت: رنيم
أنا عمري ما توقعت
انك لو كنتي اغنية
كنتبي هتبقي اي
اغنيى غير ل ذا بيرسس

poet والحب



you can't go back now

you can't go back now
الاغنية 
اللي بتشرح ماساتي في الحياة
الاغنية
اللي لو كانت شخص
كانت هتبقي أنا

Yesterday when you were young
Everything you needed done was done for you
Now you do it on your own
But you find you're all alone, what can you do?

You and me walk on, walk on, walk on
'Cause you can't go back now

You know there will be days
When you're so tired
That you can't take another step
The night will have no stars 
And you'll think you've gone as far 
As you will ever get

You and me walk on, walk on, walk on
'Cause you can't go back now

And yeah, yeah, you go where you want to go
Yeah, yeah, be what you want to be
If you ever turn around, you'll see me

I can't really say
Why everybody wishes they were somewhere else
But in the end, the only steps that matter
Are the ones you take all by yourself

You and me walk on, walk on, walk on
Yeah, you and me walk on, walk on, walk on
'Cause you can't go back now
Walk on, walk on, walk on
You can't go back now

الأربعاء، 16 ديسمبر 2015

عن اليوم والبارحة

شيء لطيف
ان حد يشيل لنا الشنطة 
طوول الطريق
ويحدثنا 
عن ازاي حد فكر
في فكرة المعاش 
: ))))
شكراً بابا

الشخص اللي بتلاقي عنده
كل الاجابات للاسئلة الغريبة

بوات

بوبو
الفتاة الصغيرة
التي تصلح 
أن تكون
بنتي

أنا عاوز بوبو

الاثنين، 14 ديسمبر 2015

الناس

الناس الغريبة
اللي بنقابلها 
في الاماكن المملة
بتحضنا جامد
وبتسبنا نعيط

الناس اللي مش بتسبنا نعيط
والناس اللي مش بتسألنا احنا بنعيط ليه
الناس اللي بتتعاطف معانا
الناس اللي بتحبنا وبتحب تدينا حب

شكراً ربنا

وحش الحاجات المستخبية

الحاجات اللي بتوجعنا
وبنخبيها
وبنعمل زي الكتابة
بنرراكم عليها حاجات كتير
علشان منقدرش نشوفها بسهولة

الحاجات اللي بتطلع فجاة
وبنستغربها
وبتكون بمنتهي البساطة
مزيج من كل شيء 
خبناه وقتها
مزيج لا امان له

لكل الكلام البايخ
والمشاعرالبايخة
والناس البايخة 
والتعليقات البايخة

لكل الافكار السلبية
والخوف الغير مبرر

لكل الحاجات اللي 
بتعمل وحش كبيييير
بيطلع لنا في احلامنا
وبندور علي اي حد
في الضلمة 
ومش بنلاقي

الجمعة، 11 ديسمبر 2015

انا وشعري

انا قبل الامتحانات الصبح
بحب وانا براجع 
اقعد اسرح شعري
اقسمه كتير 
واسرحه كتير
واضفره كتير
وافك الضفيرة كتير
لحد ما اخلص مراجعة
اكتر شيء بيهديني في الكون

يوم الجمعة

في كلاس اليوجا النهاردة
في اكتر قاعدة مريحة افر
مغمضة عنيا
ومش شايفة اي الوان
انا كنت قاعد لمدة نص ساعة
بتكلم مع ربنا
بحاول اكتشف كل حاجه
واوصل لحاجات
فتحت عيني
ايدي بتطلع سخونة
وعينيا مليانة دموع
مكشرة وانا مبتسمة ابتسامة واسعة
وراضية جداً
وممتنة جداً لكل شيء

الثلاثاء، 8 ديسمبر 2015

النهاردة

انا عارفة ومتأكدة 
اني بقالي كذا سنة 
عندي مشاكل
من ساعة ما كنت بفكر
اني مش كويسة كفاية
ان ربنا يخليني اروح العمرة
وأن ربنا عمره ما هيخيليني اسافر تاني
وباسبوري الوحيد اللي اتأخر
ومكنش راضي يخلص 
والاجراءات مكنتش ماشية
وماما فضلت تقولي
رنيم ظني بالله خير 
رنيم توكلي علي الله
رنيم ثقي في الله
وفي لحظات قليلة
قررت اني اظن بالله خير
واني اثق أن ربنا عاوزني هناك
وفي يوم كان باسبوري خلص
المشكلة يومها مخلصتش

النهاردة وانا بعيط في الكلية
وفوت السكشن وبروح
وانا ماشية في الشارع
شنطتي كالعادة تقيلة
وبعيط طول الطريق
مش عارفة افرد ضهري 
من تقل الشنطة
ومش عارف البطل عياط

لحظات فقد الايمان
ان ربنا ممكن يضيع تعبك
او انك مش واثق في ربنا كفاية

النهاردة هيقف مع الايام الوحشة

بس لحظات الايمان بتصنع اختلاف
لما تتوكل علي الله
وتثق فيه حتي لو للحظة صغيرة
توقف عياط شوية 
وتحاول تدفي ايديك من الساقعة والقلق
وتقول بصدق ان ربنا مش هيضيعنا
ربنا بيفتح لنا طريق
طريق غريب
بيخلي الناس الغريبة توافق علي حاجات غريبة
الحمد الله
شكراً دكتور مها


انا بحاول 
انا ببذل مجهود
اكتر من ناس كتير اووي
انا مش بضيع وقت 
ومش بنام كتير
مش بتفرج علي افلام
وبحس بالذنب للوقت
وبصحي كل يوم
اروح الكلية انا وشنتطتي التقيلة
مش بفوت محاضرات 
وبحاول جداً اتعلم اي شيء مفيد
بكتب طول اليوم 
ومش بوقف كتابة المحاضرات
انا مش بصحي متأخر
برغم أني عمري ما صحيت بدري
بقاوم النوم وبقاوم البرد وبقاوم كتير

ماما دايماً بتقول أنها عمرها
ما كان بيفرق معاها أننا نجيب درجات عليا
او اننا نبقي من الاوائل
الشيء الوحيد اللي بيفرق معاها
اننا نحاول أننا نبذل مجهود

وأنا اهو ببذل
مامتي مسافرة
والسنة تقيلة
والدنيا تقيلة
وانت تقيل
واصدقائك مثقلين مثلك
وانا بحاول 

مستنية للا بفارغ الصبر
ومستنية الاجازة بفارغ الصبر
ومستنية ابطل استني
واني في يوم ابطل اخاف اثق في ربنا
برغم أن ربنا عمره ما خذلني
والحياة لسه ليها امان بالنسبة لي
وحتي وانا بعيط 
بحمد ربنا علي كل النعم
وبحلم في يوم مكنش ضعيفة
ومكنش بستهبل كده
وبفضل احمد ربنا علي الحاجات الوحشة اللي بتحصل
علشان ميحصلش اسوء منها

ينقصني الكثير من الثقة والكثير من التوكل 

السبت، 5 ديسمبر 2015

انتهاء الهوس

انتهي هوس كاثرين
وانتهي هوس رجل البنك اللعين
انتهي أننا نحاول ندخلهم في قصصنا
ونحور في القصة علشان تبقي شبههم
انا بحب مرحلة الهوس
ومرحلة الوقوع في الحب
مع الاشياء التي نكتبها

العشرينات بدون هوس

رنيما

رنيما 
انت وحيد في هذا الكون
وحدك في الاشياء اللي هتنجزها
وفي القرارات اللي هتاخدها

مامتك هتسافر ان شاء الله
ومش هتلاقي حد 
تثير شفقته

انت مش مثير للشفقة
استرخي
وبطل عياط
ويلا شجع نفسك بنفسك
علشان انت كبير كفاية

العشرينات مختلفة 
العشرينات لا امان لها
بس انت فيها 
مش هينفع نصغر
والطريق السريع
اتجاه واحد
ولا يوجد ملفات 

احنا كبار اوي

يلا نخلص الايام دي
واوعدك يا رنيما
مش هنفكر فيها تاني ابداً
انت قوي
يلا خد الناس معاك
عارف واحنا صغرين 
اللعبة اللي كانت علشان نمسح اللي مكتوب عليها
بتشد شيء كده ومن اولها لاخرها علشان تمسح
انت الشيء ده
أنت هتاخد كل الناس
وهننجز المرحلة دي 
المرحلة دي

مش عاوزين يبقي عندنا امراض
يلا خلص يلا يلا خلص
الانجاز

جاري الانجاز

التوكل

انا عارف مشاكلي فين
ومحتاجة احلها
في نفس الوقت مرتين في السنة
بقضي وقتي بذاكر
بسمع اي دروس دين
اغلبها عن التوكل 
انا نفسي في يوم اكتشف ان 
مشكلتي في التوكل خلصت

الناس اللي بتفكرنا بربنا
وبتفكرنا اننا عندنا مشاكل
في علاقتنا بربنا
انك محتاج توقف 
وتجدد نيتك 
وتركز شوية


الأربعاء، 2 ديسمبر 2015

المدرسة

النهاردة كان يوم حلو في المدرسة
احنا واحنا بناخد علي بعض اكتر
وبنحضن بعض اكتر 
والمشاكل القليلة
والعدد القليل
والحب المتبادل
انا افتقدت مجدي النهاردة جداً

الثلاثاء، 1 ديسمبر 2015

شكراً باسكال

إذا لم تخرج منفجرةً منك،
برغم كل شيء
فلا تفعلها.
إذا لم تخرج منك دون سؤال،
من قلبك ومن عقلك ومن فمك ومن أحشائك
فلا تفعلها.
إذا كان عليك أن تجلس لساعات
محدقاً في شاشة الكمبيوتر
أو منحنياً فوق الآلة الكاتبة
باحثاً عن الكلمات،
فلا تفعلها.
إذا كنت تفعلها للمال
أو الشهرة،
فلا تفعلها.
إذا كنت تفعلها
لأنك تريد نساءً …. ….
فلا.. تفعلها.
إذا كان عليك الجلوس هناك
وإعادة كتابتها مرة بعد أخرى،
فلا تفعلها.
إذا كان ثقيلاً عليك مجرد التفكير في فعلها،
فلا تفعلها.
إذا كنت تحاول الكتابة مثل شخص آخر،
فانسَ الأمر.
إذا كان عليك انتظارها
لتخرج مدويّةً منك،
فانتظرها.. بصبر.
إذا لم تخرج منك أبداً،
فافعل شيئاً آخر.
إذا كان عليك أن تقرأها أولاً لزوجتك
أو صديقتك، أو صديقك
أو والديك أو لأي أحد على الإطلاق
فأنت لست جاهزاً.
لا تكن مثل كثير من الكتّاب،
لا تكن مثل آلاف من البشر
الذين سمّوا أنفسهم كتّاباً،
لا تكن بليداً ومملاً ومتبجّحاً،
لا تدع حب ذاتك يدمّرك.
مكتبات العالم قد تثاءبت حتى النوم
بسبب أمثالك.
لا تضِف إلى ذلك.
لا.. تفعلها.
إلا إن كانت تخرج من روحك كالصاروخ،
إلا إن كان سكونك سيقودك للجنون
أو للانتحار أو القتل،
لا تفعلها.
إلا إذا كانت الشمس داخلك
تحرق أحشاءك،
لا تفعلها.
عندما يكون الوقت مناسباً،
إذا كنت مختاراً
ستحدث الكتابة من تلقاء نفسها
وستستمر بالحدوث مرة بعد أخرى
حتى تموت
أو تموت هي داخلك.
لا توجد طريقة أخرى.
ولم توجد قط.

الاثنين، 30 نوفمبر 2015

الأحد، 29 نوفمبر 2015

شكرا لك

انا بحب احساس الامان
اللي كنت بحسه معاك
ان الدنيا ثابته ومفيش اي حاجات
مقلقة هتحصل
اني مش لوحدي ومش هكون ابدا وحدي
وان الحاجات كلها هتبقي حلوة في النهاية
ان الحاجات الحلوة حرفيا عرفت طريقنا
وبطلت تضل طريقها
ان الدنيا مهما ضلمت
تقدر في ثانية تنور

السبت، 28 نوفمبر 2015

51

زي السنة دي
بقالي 3 او 4 سنين
ببقي في الوقت ده 
بذات من السنة 
58 او 59 كيلو
انا عادة مش بحس ان ده كتير
مش كتير خالص
بس انجاز السنة دي
اننا بقينا بناكل اكل مفيد
بنعك .. بنعك طبعا
بس العك له عدد
انا سعيد
اني صحي
اكتر من اني سعيد
اني وصلت لوزن مش وصلتله مثلاً
غير في اولي ثانوي او 3 اعدادي

الخميس، 26 نوفمبر 2015

من ياسمين والكثير من الحب #توثيق

البنوتة الحلوة ..
البنّوتة اللي جمعنا حبّ قلب واحد ... وورد الحروف الطارح من قلب روح واحدة ...
بتتمّ النهاردة ٢٠ سنة .. !
وأنا بتمنالها عيد ميلاد سعيد ... وأيّام حلوة سعيدة ...
شفت صورتي من ١٥ سنة ... شفت نفسي وأحلامي ... شفت قلبي ...
غمّضت عيوني ودعيت ... من جوّه الروح ..
من على ّ بُعد ١٥ سنة ...
قلبها يبقى فعلًا أسعد ...
و طريقها يكون أوضح ..
واختياراتها تكون أجرأ ...
أحلامها توّصلها وتلمسها ... وتحضُنها ... وتفرح بيها ...
نفَسها يكون أطول ...
والحيرة تفارق طريقها ...
يارب ...
ارزقها الأحلام مضّفرّة بالفرح ... والهنا .. وراحة البال ...
بحبّك يارنيم ... 

الأربعاء، 25 نوفمبر 2015

الدقائق التي تفصلنا

الدقائق التي تفصلنا
نقضيها نذاكر
فاضل سنتين

you are rocking this teacher thing

أنا اعترف
انا بحب يوم الاربع
بحب اروح المدرسة المريبة
اللي مامتي كانت فيها وهي صغننة
وواقعة في حب شوية اطفال صغيرين
بس هما كبار جداً جداً
من الطف الاشياء اللي ممكن تحصلك
انك تكتشف قدرتك انك تخلي اطفال 
غرباء جداً ومتشردين جداً
يقعوا في حبك
ويتقبلوا عدم تقبلك للاشياء اللي متعودين عليها
برغم أن الاشياء الصغيرة
اللي انت بتعملها مش هتفرق معاهم
ولو فرقت معاهم هيجي حد في 3 ثواني يهدلك كل شيء 
الا ان أنا بحب اخليهم يجربوا حاجات جديدة
ويلعبوا بحاجات مختلفة
يسلفوا بعض حاجتهم ويرجعوها لبعض تاني
يحفظوا علي حاجتهم ويبطلوا يشتموا، يضربوا، يتخانقوا سوا
بغض النظر عن انهم بيشتموا وبيضربوا وبيتخانقوا مع كل الناس
كفاية انهم اقتنعوا انهم صحاب 
ل مجدي بعيونه اللي بتلمع
الولد اللي ببقي عاوزة اخده معايا البيت
كل يوم اربع 
الولد اللي عمره ما هيبقي شبه ولادي : )
للمي البنت اللي غالبا لو عندي بنت هتبقي شبهها بطريقة كبيرة
وللاطفال الحلوين 
الكتير اوي اوي
وكمية الحب اللي بديهلهم كل يوم اربع
لكمية الاحضان وكمية الطبطبة
انا ببقي شبه الاء 
انا بحب الاء علشان هي بتعرف تتعامل مع الاطفال
انا شبه مش بقفش ومش بزعق 
وبتقبل الاشياء كلها بصدر رحب
من غير نوتي تشير من غير ما اطرد اطفال من الفصل
من غير ضرب، شتيمة، تهزيق 
انك عارف انك مسيطر 
وانت كيوت ومش بتخرج عن شعورك : ))
لتقبلهم ان الميس بتاعتهم 
بترقص رقصات تحمس في الفصل 
بعد ما الدكتور بتاعتها بتقولها انها ممتازة
انهم بياخدوا بالهم من الباب
وبيفضلوا طول اليوم يقفلولي الباب
او ينزلولي النقاب علشان الباب مفتوح
انهم بيكونوا محترمين معايا
مقابل اني ابقي محترمة معاهم
للصغيرين اللي بيخافوا من الضرب
وللصغيرين اللي مش بيخافوا يقولوا الصدق
للصغيرين اللي بسبلهم مقلمتي مليانة الوان
من غير اي الوان ناقصة وسبحان الله كل مرة بترجعلي
للاطفال اللي مش بيعرفوا يعبروا عن الحب 
ولا بيعرفوا يعبروا عن اي شيء اصلا
بدون ادني اذواق او اراء مستقلة
وتقليد اعمي للاخرين
يوم الاربع يوم حلو
أنا بحبهم كلهم كلهم
وبحب احفزهم واقولهم انهم شطرين لما يبقوا شطرين
لفريق البازل اللي بيقطع رقاب
والولاد اللي بتلون حلو
والولاد اللي بتعرف تكتب اساميها كاملة 
الولاد اللي بتكلم وبتحكي
ولمحمد مسئول الفرشات في الفصل
الولد اللي لو اديتله اي شيء هيعمل منها فراشة
لاحمد شريف وشعره اللي لسه لحد النهاردة ملوش اسم
ومجدي اهم شخص في الفصل
وعمرو بطل البازل 
ليزيد ويوسف وحسن 
اكتر صحاب في الفصل
ليسين وبكمية الاستيكرز اللي بياخدوها
ولكل اللي مش بيضيعوا حاجتي 
وبيسمعوا الكلام 
ومش بيمانعوا يتأسفوا
او يستأذنوا 
للي بيخافوا علي حاجتي 
وبيرجعوها لي زي ما هي 
برغم تشردهم

الحمد الله 

توثيق للموسيقي الحالية

the weepies
light me up
sway
lungs


اللي خايفين قلوبهم تكسر

للاحلام المشتركة
بين كل الناس في هذا الكون
الاشياء التي لا نعرف اذا كنا نريدها
ومن فرط انتظارها نؤمن 
أنها لن تأتي 
واحيانا قد تأتي 
ولكننا نهرب اسرع منها
للناس حولين الكون
اللي قلبوهم مكسورة
واللي خايفين قلوبهم تكسر
وخاصة اللي خايفين قلوبهم تكسر
الناس اللي مش بتاخد خطوات
وبترجع خطوات 
فاقدي الايمان
والثقة في الاخرين
اثبتوا مكانكم 
الاشياء ستأتي من حيث لا تحتسبوا 
لا تفقدوا الامل
ولا تأملوا كثيراً
ولا تهوهموا انفسكم ان الامر لا يهمكم كثيراً