.

.

الأحد، 31 أغسطس 2014

creation .. the pierces

بكرة هينزل الالبوم : )
أنها السعادة
سعادة بدون بري اوردر
هووو كير
الفكرة أن العالم كله هيبقي سعيد
وكما هي العادة 
اسعد للعالم السعيد
لا حقد لا كره ولا حسد
كاثرين بتهاف فان ونتمني لها المزيد
والعالم يستمتع
بسبتمبر : )
حفلات سبتمبر بتقتلنا 
: ) 
في انتظار حاجات شبهنا 
بتكلم عنا
من ناس بنحبهم اوريدي 
: ))))

اقرأ في سلام #ريدينج_تايم

أجلس بعد تعب كثير
استمتع لجوني كاش
واقرأ كتابات تشبه كاتبيها
استمتع
وتبقي هذه الذكري معي للابد
استرخي 
فلا شئ لك اخر 
استمتع
11 اكتوبر قادم
#جوني_كاش_والحب #دنيا_كمال
#سعادة

اليوم .. التعب

5 ساعات في المطبخ
ساعة واحدة نوم
تفرق بيني وبين البارحة
كلاس اليوجا قضي علينا
والان الانسان بالكاد يقف
يحاول أن يبقي ما هو نظيف
يحافظ عليه ليظل نظيف 
وهذا ليس بالشئ السهل
طبخت بسرعة 
وكنت بولع في البيت : )
وفي النهارة انتهي الحال 
باكل لوحدي 
عرفت أنا مستعدة ابقي ليا بيت لوحدي
تنضف ،تقتل نفسك ، تطبخ ،وتاكل
أنا مفتقدة هندا وللا 
الدنيا ماشية كويس
ينقصها خطط
بس علي الاقل هشوف 
قلبووو الصغن 
صاحب ال 4 اعوام
وهنهاف فان سوا
أنا بحب ليلا : ))))

السبت، 30 أغسطس 2014

الناس اللي بحبهم : )))

لما بحب الناس
بحب اعمل الحاجات اللي بيحبوها
معاهم او لوحدي
بحب اجرب الحاجات بتاعتهم
الاكل ،الكتب ،الاماكن 
ببقي مهتمية اعرف تفاصيل
علشان الاقي خطط جديدة
ممتعة
بحس أنه طلما أنا بحبهم
يبقي كل الحاجات اللي بيحبوها
اللي هما بس بيحبوها
أنا كمان هحبها
وغالبا بستمتع 
: ))))))
#سعادة
بوست لكاثرين لنينا ودنيا كمال : )))))
المفضلين في حياتي 
أتبنوني بقي : )))))

الامراض النفسية

بتستهويني الامراض النفسية
وهمبسط لو اتصاحبت علي دكتورة نفسية
عن حد بيحكم علي الناس تلقائياً
بحب الافلام اللي بتكلم عن المرضي النفسين
والروايات كمان 
وبحب اتكلم واقرأ عن الامراض
بحسه حاجه مثيرة للاهتمام
وبحب الدكاترة النفسين اوووفر اوووي

لوحات كاثرين


أعتقد  أني لو حصلت علي لوحة من كاثرين
هيبقي اكتر من تحقيق احلام
أنا فعلا بحب لوحات كاثرين
#سعاااااادة

أنا بحب الحاجات الجديدة

أنا عاوزة حد ياخدني
اعمل حاجات جديدة
اروح اماكن جديدة
واكل اكل جديد
وامبسط واهاف فان
واعمل شعري تيركواز
أنا بحب الحاجات الجديدة
بحب الافكار الجديدة
سحقاً للروتين
وسحقاً اني ابقي متوقعة
أنا مش ناوية ابقي متوقعة
ومش ناوية اعمل حاجات متوقعة
المتوقع مش أنا 
بغض النظر 
ان مفيش حاجات جديدة
بس أنا مبسوطة
اني عاوزة اعمل حاجات جديدة
مجرد الاستعداد 
بيخليني احس حلو 
: ))))
أنها السعادة
يمكن علشان كده بحب السفر وبتحمس له
علشان فيه حاجات جديدة
مناظر جديدة ناس جديدة هوا جديد
الحاجات المختلفة حلوة
وعلشان كده نينا محتاجة تتبناني
انا عارفة اني مش الشخصية
اللي بتاخد شنطتها علي ضهرها وتسافر 
اعتقد الحاجات بتبقي احلي وسط صحبة
وسط تخطيط كتير
بس فكرة اننا ناخد  شنطتنا ونسافر
بتبهرني
أنا بحب اتبهر
وبمبسط لما الاقي حاجات بتبهرني

نينا دو غات تختصر كل شئ

Happiness, at the moment, means being free to do what I want without judgment from myself or others. It means being able to stuff some of my things in to a backpack and book a plane ticket to some place, make new friends, discover new places, dance to new music, learn a lot, open my eyes and my mind, realize how many good friends I have already made and, feeling their love, come up with things that make sense and things that are complete nonsense. A lot of things make me happy, so everyday I try to do as many of them as possible and set my intentions for what I want for myself

from nina : )))
ده اللي بيخلينا اصدقاء أن نظرتنا للسعادة متشابهة
بنحب الكتب وبنحب نقرأ وبنحب السفر
المقالة بتاعت نينا امبارح حولت اليوم لاجمل الايام افر : ))))
شكرا نينا .. انتي حد جميل

لا شئ يوقف الوقت

الايام لسه بتعدي
ومفيش حاجه بتوقفها انها تعدي
لازم تفهم ان مش كل الناس بتهتم 
بالحاجت اللي انت شايف انها قيمة
ومحتاجه حد يستغلها
اتس اوكيه 
ان الايام تعدي
واتس اوكيه اننا نبقي كويسين
نبقي سعداء من غير احساس بالذنب
احنا مش مسئوليين عن العالم
وخاصة الحاجات اللي مش عاوزة تصلح

حقيقة

أنا مش مسئولة عن اصلاح كل شئ في هذا العالم
هناك اشياء مش عاوزة تتصلح
مهما فضلت تحاول تصلحها 
مش بتنجح ولا هتنجح
لا تحارب اكثر من ذلك

الجمعة، 29 أغسطس 2014

to Make a Difference in the World

اجلس في مكاني
افكر كثيراً
اريد 

to Make a Difference in the World

وسوف افعل إن شاء الله
أنا بحب الناس اللي بتعمل كده
وبحب الناس اللي بيغيروا حاجات في حياتي
الناس دي مش بتبقي عارفة قيمتها كويس
اجلس في مكاني
احلم أن اكون
اخطط واخطط
#إن_شاء_الرحمن
أنا عاوزةاكون من الناس الجميلة

رنيم سوبر تحمس

تشجع وافعل كل ما يحلوا لك
استمتع وحقق احلامك
تحمس للاشياء الجميلة
وحتي الغريبة
خد خطوات 
حقق حاجات
تبقي في الطريق الصح
اعمل حاجات محتاج تعملها
او عارف انك لازم تعملها
واستمتع أنك بتعمل اي حاجه
كن سعيد
كن متحمس
وتفاااائل 
#حب_حب_حب

النهاردة

بهجة النهاردة
في كلاس اليوجا
قمة الاستمتاع والسعادة 
والبهجة والراحة
أنا بحب كلاس اليوجا
وطنط إبتهاج بتعمل اختلاف في العالم
أنا لا اقاوم
أنا ابتهج
شكراً علي السعادة
وعصير البطيخ المثلج

تفائلوا

تفائل 
وغير بعض الاشياء
واوجد اشياء جديدة
افعل اشياء جديدة
واستمتع اليوم
وخطط للاستمتاع للغد
واسمتع لاخر العمر
لا تيأس 
ولا تفقد الامل
وكن بخير


ليه ؟!

ليه الانسان دايما بيحتاج يحس انه مختلف
عن الناس اللي حواليه
مش عن صحابه 
لا عن الناس عامة 
بيحب يسمع حاجات ميعرفش حد بيسمعها
وياكل اكل غريبة 
ويعمل اي حاجه في الكون
علشان مش يبقي زي بقيت الناس
وهو عارف ان ده بيخليه زي بقيت الناس 
اكتر واكتر
أعتقد ده رسمياً مرض او مشكلة نفسية
وأنا اكتشفتها عندي امبارح
علي بركة الله 
#سحقاً

اهلاً بالبهجة

الدراسة اتأجلت
والبوم the pierces  بعد كام يوم
لسه فيه خطط
ومتسع نحقق اي حاجه منهم
انا كنت مستعدة للدراسة
ولما اتأجلت
أنا بقيت اسعد مخلوق في الكون
بحب لما ابقي مش كويسة
وحاجه تيجي تخليني سوبر مبتهجة
فتصحي من النوم
تنوي تحقيق الاحلام
تفتح الكراسة وتشوفلك حاجه تعملها
حاجه من غير نزول
او بنزول
حاجه ليها علاقة بالاكل
وملهاش علاقة بالسفر
لا السفر ولا رؤية اماكن جديدة
ودعونا نوقف توثيق شوية
ونعمل اي شئ احنا عاوزين نعمله
: )))))))

الخميس، 28 أغسطس 2014

طريق السعادة

يعود كل شئ كما كان عليه
في بداية الحكاية ؟
اما اننا فقط نأجل نهاية محتومة نعرفها جيداً
تعرف أن اكثر ما آلمها أنه لم يعد
وعندما عاد لم تستطع المقاومة
وتعرف الاشياء التي تذهب بسهولة
تعود بسهولة .. لتذهب مرة ثانية
هل هي تحاول أن تقنع نفسها أن كل شئ سيكون بخير
ام أن كل شئ سيكون حقاً بخير
تعرف أن ليس لها إلا الله 
هو يعلم أين الخير لها
وهي تثق في الله 
هي تعرف طريق سعادتها
وتؤمن أن كل الطرق تؤدي إليه
فلا يهم اي طريقٍ ستسلك
الطريق الممهد ام المتعرج
لا يهم معاناة الطريق
المهم هو الوصول 
وهي تؤمن أنها ستصل

الأربعاء، 27 أغسطس 2014

#حقيقة

احيانا
بيبقيلازم نزق نفسنا لحد الاخر
علشان نكتشف حاجات جديدة عن نفسنا 
قدرات جديدة
لن تكتشف لوحدها
لازم تجرب حاجات بتخاف منها
وتخلق خبرات جديدة
تلاقي حاجات جديدة تحبها 
وحاجات جديدة تعرف تعملها

بكرة يوم ميلاد لي لي

بكرة هيبقي فات 4 سنين : ))
اربع سنين من البهجة والسعادة
مازلت الذكريات ممتعة
ومازل الحب موجود 
لا يوجد أجمل من لولي
سعادة سعادة سعادة : )))))
بيات سوا وسفر وتصوير
ورحلات وضحك 
الحمد الله
للا نعمة 
: ))))))

الثلاثاء، 26 أغسطس 2014

توثييق

أن تغرق نفسك
في اعمال
ليست مهمة
وأنت تعرف
أنه في النهاية
لا يهم
الكون لا يشارك 
لا يشاركك التوثيق
الكون لا يهتم
اذا وثقت او لم توثق
من يهتم !
ولكنه شئ تبرع فيه
وتستطيع أن تغرق نفسك فيه
أن توقف كل الافكار
لتبث فقط افكار التوثيق
وتتمتع بالحيرة والفضول
والملل 
وتظل تتسأل
لماذا لا نكتب التواريخ
ولماذا لم نفعل ما نفعله الان
منذ 5 سنوات 
: )
أنا بحب التوثيق 

بلا متطلبات

لا يجب أن تكون متطلب
ولديك ليست كبيرة 
بأشياء تريدها 
لا تملكها
لا يجب أن تريد اشياء
لا تستطيع أن تملكها في الوقت الحالي
وده شئ مقبول
بالعكس شئ كويس
البعد عن الرفاهية
وكل ما تريده تحصل عليه
لا يجعلك قوي
يجعلك دائما متطلب
لا ترضي وتريد المزيد
الجيد أن لا تحتاج ولا تريد
المزيد
برايت سايد
أنا بحب التحديات
وبكره الامتحانات
رنيم أيمن أوي في نفسي

توثيق

أنا بغرق نفسي عمداً في التوثيق
ببعد عن كل حاجه
واقضي الوقت احاول اعرف 
ايه بتاع ايه سنة كام
اجندات وورق بالهبولي
ودباسة ومقص
واحاول
أنا بحب التوثيق زي عنيا 
#حقيقة

الاثنين، 25 أغسطس 2014

أنا و2008

أنا في 2008 عملت اول شئ بره الكوفرت زون 
وده شئ مش بعمله
كان اليوسي ماث
امبارح لقيت مدام مريانا علي الواتس اب
مدرستي في اليوسي ماس 
معتقدش أنها اتفتكرتني
حتي لما قالت أنها افتكرتني
أنا دايما بحس أن المدرسين مش بيفتكرنوني
في 2008 عملت تاني حاجه بره الكوفرت زون
وكانت مسابقة اليوسي ماث
أنا مش الشخص بتاع المسابقات
بس أنا فاكرة أني اشتغلت كويس
وهي تعبت معايا اوي
كنا بنتقابل في النادي
علشان اتدرب علشان المسابقة
هي كانت نايس 
وأنا كنت بحبها
أنا مبقاومش الحب
أنا استيل عاوزة ابقي زيها
واعمل تغير في الكون
هي كانت كده
يمكن هي مش عارفة 
بس أنا عارفة 
عارفة قد ايه الدنيا فرقت بعد اليوسي ماث
بالنسبة لشخص بيحب الماث
والماث لا يبادله الحب 
: )))

#jaymay

what are you so afraid of?
why are you feeling scared?
what's the worst that's gonna happen?

standing in the moonlight
I can tell you feel doomed
though nothing is wrong, no nothing


standing in the meadow
with sunlight in your eye
and a sense of so much sorrow

you say maybe a plane will fall from the sky
maybe your lover will lie
and I before your eyes

DON'T BE AFRAID 


الغرباء

لأن الغرباء
احيانا يكونون 
علامات
ولأنها اخر علامة حصلت عليها
عليك أن تقهم
لأنني سعيدة ومستمتعة بالكون
في اخر ايام اجازتي
وأنا عارفة اني المفروض 
ابقي في حته تانية بعمل حاجه تانية
وبرغم الاستمتاع
المفروض اكون بعمل حاجات مفيدة
لانك المفروض تدعي
علشان احلامك تتحقق
وتستخير علشان تعرف راسك من رجليك
اعتقد عملية التوثيق ممتعة
لما تعرف مصادر التوثيق 
وتعرف انت عاوز ايه من  التوثيق
أنا بحب التوثيق
ولو عاوزة اخد موضوع التوثيق ده سريوس 
محتاجة انجح
كلها اشياء غالبا ليست ذات قيمة
تشعرك بالانجاز والتحمس والاستمتاع
تعوض اشياء اخري مش موجودة
وجود الاصدقاء مبهج
الرخامة علي الاصدقاء برضوا مبهجة
أنا ممتنة برغم كل شئ
للاصدقاء وللاخوات وللاهل 
وحتي للغرباء
للنصايح والبهجة
برغم كل شئ

السبت، 23 أغسطس 2014

تعليمات من صاحب لقب الشيطان الرجيم

بابا صاحب الخطط الشريرة في هذه العائلة .. صاحب الورق المضحك .. والتليفونات الغلط ورئيس العصابات ..بابا اعتاد ان يضحكني دائما
لقيت النهاردة ورقة تعليمات مضحكة 
تعليمات بشأن رحلة المحروسة
من فترة 2-7-2008
إلي فترة 5-7-2008
اولاً : شعار الرحلة 
النظافة من الايمان
وآلي مش عاجبه يروح
ثانياً : الاهتمام الشديد بزيارة معالم مدينة الاسكندرية 
بعد القيام بترتيب سرير النوم ومسح ارضية الحجرة 3 مرات يومياً
وعمل الفطار وغسيل الاطباق والاكواب
 وكنس البلكونات عدد 2 مرة يومياً (صباحاً ومساءً)
عدم الذهاب من الاسكندرية إلي الساحل بدون محرم
ثالثاً : الاهتمام بزيارة مكتبة الاسكندرية بعد تنظيف الحمام جيداً
رابعا : دخول فيلم الرئيس طلعت حرب بطولة الفنان الكبير عادل امام  بعد تنظيف المطبخ 
خامساً : نزهة يومياً في شارع خالد بن الوليد بعد غسيل الملابس ونشر الغسيل
سادساً : زيارة محطة الرمل بعد ترتيب الشقة 2 مرة يومياً صباحاً ومساءً
سابعاً : مواعيد الاستيقاظ والنوم يكون يومياً عدا الخميس في تمام الساعة 11 او 11 وربع مساءً .. والاستيقاظ يكون في تمام الساعة 10 صباحاً او 10 وربع
ثامناً : مواعيد الطعام
الافطار : الساعة 9 صباحاً إلي 9 ونصق بيض مسلوق
الغداء الساعة 13 
العشاء : نوم خفيف أفضل
تاسعاً : ممنوع منعاً باتاً تناول أكثر من 6 بيبسي وسفن يومياً 
عدا يوم الخميس يصرح ب 7 فقط
عاشراً : عدم النوم بجوار الموبيل وممنوع استخدام المحمول داخل الشقة نهائياً 
وجميع المحمول يكون عهدة عبير ويتم استئذانها 2 مرة يومياً قبل الاستخدام اياً كان
ولا يسمح الا بمكالمة واحدة يومياً و2 ميسد كوول فقط
حادي عشر : ممنوع قراءة عين او وشوشة وجميع الجرائد الصفراء والحمراء والخضراء وجميع الالوان 
مشرفة الرحلة آنة مني وعبير هبه

التعليمات دي بتخليني اموت من الضحك : ) صحينا الصبح لقينها متعلقة : ))))
#ذكريات_مضحكة

الجمعة، 22 أغسطس 2014

جون وسارة والسعادة : ))))

كان جون شخصية انانية برغم أنه لا يتعمد أن يكون كذلك، لكنه لا يساعد الاخرين لان حياته تكفي بالكاد لأن يعيش هو، يساعد نفسه بل واحيانا يعتمد علي مساعدات الاخرين له.  لم يكن يعتبر نفسه شخصاً سيئاً ولكن كل ما في الامر ان وقته ومجهوده بالكاد يسمحان له ان يساعد نفسه وينجز ما هو مطلوب منه وما هو متراكم عليه. يعمل طوال الوقت ولا يستطيع حتي تحقيق احلامه كالسفر في اجازة لوقت طويل او تعلم القيادة،  لم يكن يحقق اي شئ يريده لم يكن يحلم ان يحقق احلامه، فقط اراد ان يعيش حياة مختلفة حياة قد يتمكن فيها ان ينقذ حياة الاخرين ان يساعدهم وان يجعل العالم مكان افضل ،ولكن كل هذا كان ما لا يفعله، كل ما يفعله فقط هو الذهاب للعمل والرجوع منه ثم الذهاب مرة اخري ،لم يكن يشعر برتابة حياته ولكنه فقط اراد شئ مختلف اراد ان يكون شخص مختلفا ان يصبح لديه العديد من لاحلام بل وان يحققها ايضا ،قرر ان يقرأ كتابا بسيطا شيئا قد يغير الوضع، قد يغير اشياء لا تتغير ،ذهب الي المكتبة وبحث عن كتاب يتحدث إليه يقول له انه سيتمتع بقراءته  ذهب المكتبة بعد عدة ساعات وجد الكتاب ثم عاد إلي البيت وهو يشعر انه ليس مجرد كتابا عاديا وضعه علي السرير ثم راح في سبات عميق فلقد تأخر الوقت وعليه الذهاب غدا للعمل، غدا اليوم الاخير للعمل في هذا الاسبوع .
عندما استيقظ كان علي عجلة من امره، قضي الكثير من الوقت في العمل، في الطريق للبيت وجد نفسه فجأة يتذكر الكتاب فبدأ يتحمس لعطلة الاسبوع من المحتمل انه لم يكن يعرف ان هذا الكتاب سيغيره ويغير حياته للابد.
رجع الي البيت وقرر ان يبدأ في القراءة قبل ان يفقد حماسه المفاجأ الذي لا يعرف من اين جاء ولكنه جاء ويجب عليه أن ينتهز الفرصة،، فتح الكتاب واخد يقرأ لم يستطع النوم واصر علي انهاء الكتاب حتي لو اضطر ان يقضي منتصف الليل كله يقرأ لم يتحمس منذ وقت طويل لاي شئ ،،منذ وقت طويل حياته ظلت تفتقد لكل ما قد يشعره بالتحمس فكر انه قد يستغل الفرصة وقد يستمتع بالكتاب ولحسن حظه ان كان كتابا ممتعا 
بعد قراءة الكتاب وجد نفسه يحتاج إلي عطلة طويلة، التي كان يحلم بها منذ اعوام وكان  يحتاج حافز يحمسه لطلبها، فبماذا يقضي عطلته الطويلة بدون شئ يفعله ،،قضي طوال عطلة الاسبوع يفكر في العطلة التي يردها إلي ان وصل لليوم الاول في الاسبوع ،، اليوم الاول الذي حتماً سيغير اشياء كثيرة في المستقبل، كان جون متأكد ان مديره سيوافق علي ان يعطيه العطلة فلقد ظل لسنوات طوية يعمل بلا انقطاع لا يتغيب ولو ليوم واحدة عن العمل، لذلك استجمع شجاعته وذهب لطلب الاجازة وفقط كل ما تسائل المدير عنه هو سؤالاً واحداً كيف ستقضي الاجازة؟ ووجد نفسه دون ان يفكر يقول "ساقضيها بجانب البحر لقراءة لكتب ومساعدة الاخرين"
لم يهتم جون لما ظهر من علامات عدم الفهم علي وجه مديره، كل ما قد كان يهمه انه توصل لما كان يريده،، وفي طريقة للعودة كان يفكر أن لا يوجد شئ أجمل من أن تعرف ماذا تريد وتسعي لاجله، هذا ما جعله يزداد تحمساً علي تحمسه  فأّجري اتصالاته ليؤجر منزل يطل علي البحر، منزل هادئ.
رجع البيت .. يعرف كل ما يلزمه من ملابس للسفر .. فتح الباب وتوجه إلي الحقيبة يزيل عنها الغبار .. وظل يركض في جميع انحاء المنزل كالمجنون يجهز كل ما يحتاجه .. انتهي سريعاً فكم يحتاج فرد واحداً مفرط في تحمسه من الوقت ليحضر حقيبة .. انتهي سريعاً ،، اغلق كل ما يحتاج اغلاقه في المنزل، اتجه بسرعة نحو السيارة وضع الحقيبة وركب السيارة .. اختار شريط اغاني يحبه تراكم عليه الغبار .. الغبار هو كل ما يشعره بالزمن ، إلي اخر مرة استمع فيها إلي موسيقي جيدة ، اخر مرة سافر فيها .. او فعل اي شئ غير العمل .. ازداد تحمسه لاقصي حد  فاليوم هو يومه، يوم تحقيق الاحلام، تحقيق كل شئ فكر انه لن يستطيع ابداً تحقيقه .. بدأت الرحلة والطرق فارغة فمن غير جون قد يترك العمل يوم الاحد ليسافر .. وأخذت الرحلة وقتاً ومجهوداً ولكنه لم يكف عن السعادة .. وصل إلي المنزل .. منزل أنيق وصغير امام البحر مباشرة .. تسلم المفتاح ودخل إلي المنزل وكأنه لم يشعر بطول الرحلة ولم يشعر بالارهاق .. كان اليوم لم ينتهي بعد .. دخل المنزل وتفقده وافرغ حقيبته واخد كل ما يحتاج ليذهب إلي البحر ..وهناك اكتشف أن كل ما ينقصه شئ واحد فقط هو ان يجد كتاباً يقراه .. ولحسن حظه لم تغلق المكتبة الوحيدة الموجودة في هذا المكان بعد .. بل لحسن حظه ان هناك مكتبة في مثل هذا المكان وعرف انه يحتاج شخصاً رقيقا يعرف الكتب اكثر منه وشعر فجأة انه عرف ما يريد توجه الي المكتبة.. ووجدها هي .. كانت تقف وسط الكتب كأنها في موطنها الاصلي مما يجعلك تشعر انها تتصرف علي سجيتها، الوان الكتب من خلفها مع لون شعرها قد يجعلك تشعر بجمال إنها حقاً تلمع وسط كل هذه الكتب  وتشعر ان هناك بريق حولها كأنها مضيئة، إذا اقتربت منها بامكان قلبك ان يضئ ،وبامكان البريق ان ينتقل اليك انت ايضا .
مشي نحوها فالتفتت اليه لتسأله :هل اساعدك بشئ ؟
قال لها بشئ من الخجل : نعم لقد وصلت اليوم وانا احتاج إلي  رفيق في رحلتي ابتسمت وقالت وهل رفيقك هذا كتاب؟
 ازداد في ابتسامه هو ايضا :نعم لذلك انا هنا ،احتاج الي مساعدتك ،اريد قائمة ليست طويلة بافضل الكتب التي استمتعتِ بها في حياتك
ظهر الذهول فجأة وسط هذا الجمال المضيئ وقالت :الا تريد نوعا محدد من الكتب ؟ قال :لا انتِ كل ما احتاج .. اقصد قائمتك هي كل ما احتاج
هذا اغرب ما سمعت في حياتي ! أنت لا تعرفني فكيف تثق في ذوقي في الكتب!
 قال دون ان يفكر فيما سيقوله :اثق بك كامل الثقة واثق في ذوقك
 ازاد توهجها فقط ولم تقل شئ اخر
 قال :استطيع أن اجمع معك الكتب ، ويبدوا أن كل شئ كان اكثر هدوء قبل مجيئي اردت فقط شخص يحب القراءة ومن افضل من امينة المكتبة
 لم تمسح الابتسامة من علي وجهها الجميل
 قالت حسنا اعطيني وقتاً  فقط سأحاول ان اكتب القائمة اولاً، والمكتبة الان علي وشك الاغلاق وباستطاعتك المجئ اول شئ في الصباح وسأجعلها قائمة تستحق الانتظار ..
قال لها شاكراً : و ارجوا لو نتجنب وضع الروايات مرعبة في القائمة أنها اول عطلة لي منذ وقت طويل وانا في اشد الحاجه إلي الاستمتاع والراحة
لم تكن كثيرة الكلام أومأت برأسها
 فرحل هو ولم ترحل هي من ذهنه، ذهب إلي البحر إلي مجئ الليل جمع بعض الاصداف الجميلة  وصنع لها عقداً جميلاً منها ولم يفعل اي شئ اخر ،، ثم توجه إلي المنزل وغط في سبات عميق ، في انتظار الغد.  
كان الغد في مثابة أمل جديد ، حياة مختلفة. استيقظ متأخراً وهو يشعر بالراحة وقرر ان يعطي أمينة المكتبة المتلألئة  كل الوقت الذي قد تحتاجه . يعطيها اكثر من فرصة لتصنع قائمة كما قالت تستحق الانتظار .. قضي وقته امام البحر في يده عقد الصدف .. احيانا يحلم كيف للعطلات والنساء الجميلات أن يغيروا المستقبل ليصبح علي غير ما كان عليه ،، يغمض عينيه ويغوص في الاحلام، كل الاحلام الممكنة والغير ممكنة ،، نظر الي الساعة بعد فترة من انقضاء صبره .. استعاد نشاطه وقال "موعدنا الان لنذهب الي المكتبة ونري قائمة الكتب العظيمة"  واتجه الي المكتبة بمنتهي الحماسة وليرها تبتسم للاخرين .. علم انه يجب ان يتكلم معاها اكثر ليصبحوا اصدقاء مجرد اصدقاء، فمصادقتها وحدها تعني الكثير له . ولم يكن يعرف انها ستغير عالمه للابد.
 دخل المكتبة واقترب منها وسألها : هل انتهيت من اعداد القائمة ام انني لم اعطيك كل الوقت الذي تحتاجينه ؟
 قالت وهي مازلت تبتسم نعم انهيتها منذ عدة ساعات فلم استطع المقاومة في البدء .. -هل هذا يعني انني تأخرت ؟
-لا لا ابدا لقد جئت في الوقت المناسب فلقد كنت انوي الرحيل مبكراً اليوم
-لا اقصد التطفل ولكن هل لديكي موعد اخر؟
-لا لا ابدا انني فقط احتاج الي الراحة بعض الوقت فلقد كان اسبوع مرهق ومع قائمة الكتب ازداد ارهاقاً
 قال لها بشئ من الحرج هل يمكنني أن ادعوك إلي العشاء ؟ قبل ان تجيبي هل تريدين ان نصبح اصدقاء ؟ اعتقد انني بحاجه الي بعض الاصدقاء في الوقت الحالي
ابتسمت وقالت مجرد اصدقاء ؟
 قال نعم مجرد اصدقاء فليس لدي اصدقاء هنا
قالت اظن انني احتاج بعض منهم ايضا ، لا مانع لدي فأنا أحتاج إلي الاكل ايضاً
قالت وهي تلملم اشيائها المبعثرة لعزمها علي قبول دعوته : هل تحب أن نجمع كتبك الان ام انك تفضل الانتظار للغد ؟
-لا لا انني متحمس للغاية سنضطر الي اخد كتبي الان ، سأساعدك
 قالت ببساطة : نعم احتاج كل المساعدة الممكنة لدي في القائمة الكثير من الكتاب لن تستطيع استعارتهم كلهم انها سياسة المكتبة .. الان يمكننا فقط اخد 5 كتب لم اعرف كم كتاب اضع في القائمة فانت لم تقل لي متي سننتهي اجازتك؟
-قال اعتذر سأمكث هنا مدة شهر تقريبا ً اشكرك للغاية علي الكتب
وبدأت الجولة في المكتبة للعثور علي الكتب الخمس المطلوبة كلفهم ذلك القليل من الوقت ولكن من يهتم للوقت كان هو لا يملك الا الوقت فما المانع من ان يقضي الوقت في المكتبة مع الانسة البراقة  أمينة المكتبة  من يريد أكثر من هذا
وقبل انتهاء المهمة اخرج لها العقد من جيبه وقال لها صنعت هذا البارحة فقط لاشكرك .. لا اعتقد ان العطلة قد تصلح بدون كتب 
فما كان منها إلا أنها اخذت العقد وابتسمت والقت نظرة علي الصدف الصغير الجميل وعنيها مليئة بالسعادة  وقالت : برغم عشقي للصدف ولكني اقضي اغلب الوقت واحياناً كله في المكتبة .
 قال هذا وقت الابتعاد عن العمل قليلاً هيا بنا العشاء ينادي
اختارت هي  مطعم هادئ جميل، الاكل فيه شهي، فهو لا يعرف اي مطاعم هنا
تمنت أن يعجبه المطعم فقالت كأنها ترجوا أن يحبه كما تحبه : انه مطعمي المفضل
كان ممتن لها ،، ارادا هما الاثنين ان يقضيا وقتا ممتعا معاً
قالت سارة كما عرف اسمها فيما بعد فجأة : أتريد حقا ان نكون اصدقاء؟!
قال ببساطة : نعم منذ النظرة الاولي عرفت أننا يجب أن نصبح اصدقاء
اتعرف ماذا يفعل الاصدقاء ليصبحوا اصدقاء؟
رد بسذاجة لا
يبدأ كل منهم بسرد كل شئ عن كل شئ
ابتسمت اكثر وهي تقول: انا سارة أعمل في المكتبة الوحيدة الموجودة هنا .. اعشق الكتب واعشق القراءة .. واستمتع بالعيش هنا بجانب البحر 
فقال: وانا جون ظللت لسنوات طويلة لا اكف عن العمل والعطلة هي الاولة لي واعتقد انني سأحب الكتب وسأحب البقاء هنا ، فلقد بدأت احب المكان هنا بالفعل.
جلسا معاً طويلاً واذا نظرت لهم من بعيد ستشعرانهم خلقوا لبعضهم وليسوا ليكونوا فقط اصدقاء بل لاكثر من هذا بكثير .. بالاضاءة الخافتة والشموع تستطيع أن تري كل شئ ، تستطيع أن تري قلوبهم تضئ ويقتربوا من بعضهم لبعض اكثرواكثر
كل شئ اختلف بعد هذا اليوم .. كل شئ اختلف بعد هذه الليلة .. كل شئ اصبح اكثر سعادة .. حتي لو كانت سعادة مؤقته .. فهم قرروا أن يستمتعوا بها ويستغلوها 
: ))

رسمياً 180 كتاب

كلما احببت أن اسعد اكثر
اري الانجازات 
180 قد يعتبر انجاز
ولكنه عندما تنظر بتمعن 
تجد أن لا إنجاز
في ان تشاهد افلاما 
اكثر مما تقرأ
789 مقارنة 180
أنا استيل سعيد ومبتهج

الخميس، 21 أغسطس 2014

I have no money

أنا قررت أالف أغنية
اسميها
I have no money
: ))))))
أنا لطيفة اووووي

عن العيد الفائت

أنا لا اتذكر
العيد : )
كان مجرد ايام سعيدة
وفستان العيد
الذي لم امل منه 
وقراءة عن اشياء جديدة
وهدوء : )
انا بحبني وانا هادية
من غير عواصف
ولا رغي كتير 
: ))))

نُربي لنصبح أبطال

كل المصائب
وكل الاشياء 
التي لا تحبها
التي تخشاها
يجب أن تواجها
لانك يجب أن تُربي
كشخص قوي 
قوي الارادة 
يتحمل الكثير
ولا يتذمر 
ولا يفقد الامل 

الأربعاء، 20 أغسطس 2014

we all die young

 لا تفقد الامل
في تحقيق الاحلام
ولا تبتأس
أنت فقط 18
ولديك العمر كله
لتجعل كل شئ حقيقة
لتحلم ولتدع الكون يدهشك
ولتفعل كل شئ 
حلمت به يوماً
تفائل : ))))

الثلاثاء، 19 أغسطس 2014

إنجازات العام الذي لم ينتهي بعد

*23 كتاب لهذا العام
178 كتاب

*787 فيلم

*217 بوست هذا العام
401 بوست 

*مازلت لم ازر غير بلد واحدة
ولكني سعيدة بهذا العام
ولم افقد تحمسي 
 : ))))

401

لأننا موكوسون قليلاً
ولان العمر طويل
والاحلام موجودة
لانك لن تتوقف ابداً عن التغير
ومعرفة كل شئ عنك
لانك مازلت تقرأ
وتملك الشغف
لانك مازلت تريد تري العالم
كل شئ سيصبح حقيقة
قريبا
#كامينج_سون
2015

يارب

أنا ساعات كتير
بحس اني متكبرة 
وبشوف عيوب الناس
انا مش بحب احكم علي الناس
معرفهمش  
او مش بحب احس اني احسن من حد
انا مش بحس اني حسن منهم
بس بحس انهم سيئين
النظرة دي بشوفها كتير
انا وانا ببص للناس
بصة انتو ناس سيئة
يارب ارحمني
ولا تجعلني منهم
لا من الناس السيئين
ولا من الناس اللي بيشوفوا ناس سيئين
فيتكلموا عليهم في سرهم
يارب ابعد عني الناس السيئين
أنا بكره اتكلم علي الناس
حتي في سري
بكره انقد لبس حد
او اقول مش عارفة مين عامل ايه
يارب ابعد عنا الغيبة 
ونقي قلوبنا
ومتخلناش بشر سيئين اكتر 

انا لطلب حاجات مستحيلة

أعتقد ان الانجاز انك تخلف عيال
ويطلعوا نقيين 
وقلبهم ابيض 
ومش مرضي نفسيين
مش بيحبوا يأذوا الناس
مش قاسين 
بيعرفوا يحلوا مشاكلهم
وبيبقي عندهم حلول كتير
يطلعوا مش بيخافوا
بيحبوا المغامرات
واشقيا
بيحبوا كل ما يرضي الله
وبيعرفوا يسيطروا علي نفسهم كويس 
وعندهم سوبر اخلاق
لبقين ومحترمين
أعتقد اني ك بنت 
بطلب حاجات كتير 
مستحيلة 

الأحد، 17 أغسطس 2014

James Levy and the blood red rose

pray to be free
 from this love hanging over me
but you say it just ain't right
 cause without love its a misery 
And I am the one for you
 Are the one for me
And I will love you more than words can speak

لا أعتقد أنني سأتجاوز جميس لافي وآلسون قريباً

: )))

ع س ن 578 

الحياة المبهرة

مازلت الحياة ساحرة
ومازلت تبهره يوما بعد يوم 
#رجل_البنك_استايل

الحياة مبهرة 
واذا لم تبهرك بعد
فأنتظر ولا تقلق

رحلة الاحلام

من مصر لليونان
ومن اليونان لتركيا
من تركيا لإيطاليا
ومن إيطاليا لمصر

ثم زادت الرحلة قليلة
لبنان والجزائر وأمريكا وإنجلترا
لاسباب خاصة : ))) 

ولكن أعتقد أني قد ارضي بالسفر
ولو لمكان واحد
somewhere else 

لم تبدأ بعد

اجلس في كرسي المفضل الذي يدور
امام التلفاز
اشاهد بدون تركيز
اغيب احياناً
واغرق في الاحلام
لو حولت حياتي لرواية
لن تجد ان الاحداث فيها بدأت بعد
احلم بي في عالم اخر
حيث لا قواعد ولا مقاومة
احلم بي بمزيد من الثقة
وبمزيد من كل شئ
18 عام مرت 
والرواية لم تبدأ بعد

لو أن الاب لم يتبنا هذا الفتي
لو احب هيندلي هيثكليف 
لو تصادقوا جميعا
لو لم تتزوج كاثرين من ادجار
لو لم تهرب ايزابيلا مع هيثكليف
لاختلفت الرواية

لانني احب الروايات والافلام
مازلت انتظر

حلم مكرر

مكان واااسع كله سراميك ابيض
وضوء الشمس يغزو المكان كله
وحنفيات فووق في الحيطان
بتنزل علينا ماية 
واحنا لابسين فساتين بيضا
واسعة وبتدور
وبندور في الماية تحت اشعة الشمس

يختلف الاشخاص 
والمكان لا يتغير
وفساتيننا لا تتغير
وندور وندور وندور

احلام لكاثرين : )

1- سافرت علشان اشوف كاثرين وكان فيه رجل عنده متحف هندي يهبل .. الوقت اتأخلا وكان لازم اروح ومنساش التذكرة
وبعدان روحت اكل ماك لقيت بنت صغيرة جعانة ادتها فلوس كتيرعلشان تاكل واحدة غريبة واقفة قالتلي أنا ادتها .. فقولتلها ادتيها ايه ؟ قالتلي ادتلها عفلوس تجيب بطاطس بس ماك مكنش في محل كان في الشارع
مهتمتش ,, ومشيت قابلت الراجل بتاع المتحف تاني وكنت عاوزه اقوله اني سافرت مخصوص علشان اقالبل كاثرين بس اضطريت امشي علشان الحق الطيارة
وبعدان انا فضلت ماشية وكنت خايفة افوت الطيارة وفوتها .. والصبح لقيت كاثرين طالعة من المتحف مع الراجب وبيضحكوا علشان كدبوا عليا وقالوا انها مش هنا


2- كاثرين كانت في مصر وكنا قاعدين في حته حلوة اووي فيها بحر ومحيط وجبال
وانا كنت بسألها عاوزة عن اكتر مكان نفسها تزوره في الكون


3- لويزا ماتت بطلق ناري في بطنها وهي حامل من خرم الباب واحنا كان معانا 3 عساكر رهائن وباباهم كان عاوز يقتلنا كلنا : ) وانا طلعت قولتله ياخد الجنود الاسري مقابل انه يسبنا نودي لويزا المستشفي وبعدان انقذوا البابي وكانت بنوته شعرها احمر وعنيها صينية : ))) هذا عندما يختلط ذا بيرسس بالوضع الحالي


4-حلمت اني شوفت كاثرين في الحقيقة وكانت لابسة مخطط ومعرفتش اتصور معاها

5- كاثرين ولاجي كان عندنا في المدرسة وانا كنت في الاتوه وكنت ماشية وفي لحظة درامية الاتوبيس بدأ يتحرك وانا بلمحهم وقفت الاوتوبيس ونزلت قولتلها دي اخر مرة هاجي فيها المدرسة للابد وعاوزة توقيعك : ) لاجي وكاثرين وقعولي بس كتبولي بالعربي .. وتقريبا فضلت طول الحلم بجري وبتوه في المترو علشان اروح المدرسة ولم اهتم بالتوقيع اللي طلع منها بالعربي لانها كانت بتكلم عربي : ))

6- حلمت اني سافرت مع لاجي و اوستن علشان اروح اقابلهم وبعدان ضيعت موبيلي وشنطتي وكنت متسوحة اووي وبعدان لاجي لاقاها وحطاها في الطيارة : ) ووصلت هناك وقابلتهم كلهم وكنت هابي هابي هابي وفضلت قاعدة عند كاثرين في البيت واخدت توقيع لاجي : ))))

7- حلمت بكاثرين كانت لطيفة ونايس اوي وقعدنا نرغي كتير مع بعض وقالتلي اكلمهت في اي وقت ونتقابل علشان اسألها كل الاسئلة اللي عاوزاها

8- لاجي كان عندنا في البيت ولا احد يعرف كيف : ))))

9 -  انا مش فاكرة بالتفصيل لاني مش كاتبة بالتفصيل .. كان فيه ذا بيرسس ومامت وبابا كاثرين وكان فيه برص مكان ما كنت بنام وانا كنت خايفة وفضلنا نغسل كل هدومنا علشان فيه بنت صحبتي في الحلم قالتلي انه بيدور عليا . كان برص مرعب .. وكان في الحلم أحمد اخويا .. وكاتبة ان كان فيه حنقة ولا اتذكر شئ عن الحقنة : )) وهندا وآلاء كانوا لسه بيخدوا كلاسات بالية : ))

10- حلمت بكاثرين مكنتش بتغي وكانت واقفة علي مقربة مني وقولتلها ممكن اتصور معاكي  : ) اتصورنا وكانت نايس اوي وبعدان قلت انتهز الفرصة فقولتلها ممكن تمضيلي علي الاوتوجراف بتاعي فضلت ادور بتاع سنتين علي صفحة شكلها حلو وهي كانت عاوزة تنام واول لما لقيت الورق لقتها مشيت 

مليون حلم لدرجة انني لم اعد اكتب والنوتز علي الموبيل خلصت 

البلوج بتقذ حياتي : ))))

الخطط

أنا الشخص 
الذي يتنفس خطط
عندي خطة واحدة 
خطة واحدة : (
أنا شخصية مملة
مملة جدا 
الانسان محتاج شئ
يعيش ليفعله 

الجمعة، 15 أغسطس 2014

يارب

ونشتري من كل بلد جرايد والوان ونصنع بعض الذكريات ونبتهج اكثر
ونلتقط الريش من انحاء البلاد
ليس فقط الريش بل كل شئ
سنلتقط البهجة 
وسنبتهج اكثر واكثر
في السفر سعادة
وانبهار لرؤية اشياء جديدة
أنا مازلت متحمسة
والواقع اليم : )

جدي الذي لم يعطيني الكتب

لا اعرف لماذا جدي
الذي مازل علي قيد الحياة 
حتي الان
لم يستغل 
فرصة
وجود طفلة صغيرة 
في المنزل 
تعشق القراءة
ولم يعطيها الكتب او القصص 
وكلما تسائلت
تقول لي أمي انني كنت طفلة صغيرة
وانا اتذكر انني لم اكن
لم استعير كتاب واحداً
من مكتبة جدي 
ولا اتذكر حتي اسماء الروايات
لا شئ
عندما اكون  جدة 
سأعطي الكثير من الكتب
من يتمني شئ غير ذلك
من يتمني شيء أكثر من ذلك

البيوت المهجورة

لدي عشق منذ الطفولة
هو دخول البيوت المهجورة
مرسي مطروح 
وانا طفلة صغيرة
شعنونة وشقية
وقصر أبيض جميل
ينظر إليّ كل يوم
وأب يحقق احلامي
ورحلة استكشافية 
أمي لم تكن تمانع
ونحن كنا نستمتع 
نصعد السلالم
التي لم يكتمل بنائها
وافعل ما اريد في هذا القصر
وبعدها كبرت قليلاً
ووجدنا شاليه علي البحر
سوف يهدم والباب مفتوح
اتذكر انني صعدت السلالم
ولكن كان الظلام دامس
فلم افعل شئ 
واليوم اعطيت فرصة
أن ادخل البيت 
الذي كان جدي يحلم بشراءه
واجد ذكريات جيراننا 
واستمتع بوقتي
مع أبي 
أنا بحب الرحلات الاستكشافية
والمغامرات 
وعاوزة افضل شقية وشعنونة : )

كتب يوماً ما

يوماً ما
سقرأ كل الكتب
التي اقول عندما اراها
هقرأها مع حد
قائمة طويلة 
لا اقدم علي قرأتها وحدي
ومازلت انتظر
إلي متي
#صرخات_درامية 

الخميس، 14 أغسطس 2014

201 : ))) احنا نرقم البوستات .. ارقام احلي : ) أيها الكون ألن تفاجئنا

أيها الكون
ألن تفاجئنا
بالقليل من المغامرات
وبعض الالعاب
والكثير من الحلوي
أنا متحمسة
وحتي اذا لم تفعل 
لي اي شئ
: )

بوست رقم 200 لهذا العام.. بالكتابة

لانك لا يمر عليك الوقت
إلا بالكتابة
ولأنها تشاركنا
احزاننا وبهجتنا 
شكراً لرحاب بسام
ولمعرض الكتاب
الحمد الله
شكراً للكتب
والكّتاب 
واصدقاء الكتابة : ))
شكراً للتشجيع
والتعليقات
وعبيرا 

إلي مر

أنتي صديقتي المفضلة
ولو سافرت في  الكون كله
ستظلي دائماً صديقتي المفضلة
برغم الاشياء المختلفة
 من قلبي
احمد الله كل يوم
أنه رزقني صديقة مثلك
وأتمني أن نبقي اصدقاء 
حتي عمر طويل
ينقصنا القليل 
وامامنا الكثير لنحققه
مغامرات 
والكثييير والكثيييير
أنا متفائلة ومتحمسة : )
أنا بحبك يا مر 

أنا .. أنت .. العالم

لأنك تريني العالم بعينيك
تجعلني احلم أن نري كل شئ سوياً
أن نجوب العالم سوياً
أن نغامر .. ونتعلم .. ونستكشف
نفعل كل شئ سوياً
نضحك وناكل في اماكن مختلفة في العالم

بوست ليس شخصي 
أعتقد أنه بوست
تحت دافع الحقد
أنا شخصية حقودة
أنا لست كذلك : ))

الكون جميل

الكون جميل يا اعزائي : )
حب المغامرة مازل يقودنا
حب الاستكشاف
استكشاف انفسنا 
او الاخرين
السفر ورؤية اماكن جديدة
الانبهار والسعادة
لا تقرأ كتب تعيسة
ولا تتعس ابداً

وصيتي

انا عادة لا أفعل التعاطف
لا اتعاطف مع الموت
الكون سوف يموت
كلنا نموت 
أنا وحتي أنتم
قد اكون فعلت : )
قاعدة رقم واحد لا تبتأسوا
ابتهجوا وفرحوا
كونوا احسن
اجتهدوا اكتر
وافعلوا اكتر
كونوا اكثر
واسعدوا اكثر
لان اللقاء قريب
لقاء قريب في الجنة
ادعوا اكثر
معكم ذكرياتي
تعرفون انني احبكم
كلكم والله كلكم
لا يوجد في حياتي من لا احبه
مش عاوزة عزا
العزا مكان بيتجمع فيه التعساء
لا اريد تجمع للحزن
اضحكوا وابتسموا
وعيشوا عيشوا
حققوا احلامكم
وقربوامن ربنا
الكون سيموت كله قريبا

أنا أنا

اريد أن اكون 
الفتاة المرحة
التي لا تبتأس ابداً
الفتاة وقت المآٍسي الحقيقة 
مبتسمة ابتسامة واسعة
لا تتذمر ولا تشتكي
#احلام #انا #مستقبل

الاثنين، 11 أغسطس 2014

عن سجارة سابعة

ده علشان معرفتش انشره فين : ) 

تقريبا ده هيبقي أطول ريفيو ليا افر : ))

*تحت عنوان كتب املكها موقعة : ) #حب .. انا سعيدة اني شوفت دنيا كمال وكان يووم سعيد للغاية ومتشوقة اقرأ
 الكتاب جدا جدا جدا

دنيا بلا تفكير من الشخصيات المفضلة في حياتي .. واعتقد اننا فيه حاجات كتير شبه بعض فيها ..وحاجات كتير أنا نفسي اكون شبها فيها .. ورسمياً منذ اليوم الاول ادركت .. ان الحياة هتبقي اسعد لو دنيا أتبنتني 

* ريفيو ما قبل الابدء :أنا كنت ومازلت بعشق هي وضحي ، كنت متشوقة جداً للكتاب الجديد .. كنت راجعة البيت قلبي بيقفز من الفرحة .. معايا كنز .. كان يوم احلام .. اكتر من احلام .. كان يعتبر من اجمل الايام في حياتي ..كانت مرحلة عصيبة وامتحانات وخوف وكان صعب اقرأ في وقت زي ده ..بس مكنتش مصدقة اني فعلا قابلت كاتبتي المفضلة ولا كنت مصدقة ان كتابي موقع .. روحت البيت بعد كتير من الصويت والتنطيط والتصوير : )) 
هندا أختي أخدت الكتاب مني وبدأت تقرأه .. لحد ما قررت ابدأ اقرأه .. هندا حطه الكتاب جمب المخدة وكل مرة بخده برجع الاقيه جمب المخدة 
هند رسميا بتحب الكتاب .. وانا بخاف لما هندا تحب حاجه .. كنت خايفة يبقي كئيب .. انا بكره الكتب الكئيبة 
بس أنا كنت واثقة اني هقع في الحب .. كتابات الناس بتعكس كل حاجه بتعكس احلامهم تجاربهم وبتبقي شبههم حتي لما بتكون من وحي الخيال بتفضل شبههم .. وده اللي حمسني أني ابدأ اقرأ أني هلاقي دنيا وسط السطور 

أثناء القراءة : كنت حاسة اني بتسحب في القصة والقصة بتشدني وبتغرقني فيها باسلوب جميل جداً جداً وبتخليني اقع في الحب .. في حب كل حاجة نادية زين وعلي ورضوي وبابا نادية كل حاجه وحسيت ان استحالة حد يعرف يكتب حاجه بمنهي الجمال كده وكنت معترفة اني واقعة بجد ..
اول فصل عن علي خلاني  اؤمن بالحب .. او اؤمن أن الحب اللي انحنا بنحلم بيه ممكن يكون موجود 
وامبسطت اكتر لما لقيت زين : ) كنت مبسوطة بالتفاصيل كل التفاصيل 
وكنت شايفة الحاجات بتحصل حوليا ودي مش حاجه بتحصلي كتير : )) وده كان شئ سوبر سعيد
أنا بحب الشخصيات الغير معتادة وباسعد لما بلاقيهم حتي في الروايات وفضلت اسرح واحلم اني اكون غير معتادة يوماً ما ما ..
كنت خايفة من فصول الثورة .. اشياء لا احب أن اتطرق إليها .. بحسها بتوجع وبحس اننا مهما اتكلمنا عنها عمرنا ما هنعرف نتكلم كويس .. امبسطت لما لاقتنا كنا  في نفس الاماكن في نفس الوقت : ) ومش اضايقت منهم خالص بالعكس حبتهم : )))

الرواية تستحق خمس نجوم من اول فصل  تستحق خمس نجوم بلا مجاملات او محاولات متي اني مكنش قاسية مع الكتب .. اعتقد ان دنيا جمعت كل الحاجات الحلوة في كتاب .. الرواية جميلة بحق ولا تستطيع قول غير ذلك ..
الرواية نابعة من القلب 
وانا كومبليتلي ان لاااف : )))))

ما بعد القراءة : انا خلصت الرواية في يومين .. واستمتعت بكل لحظة قدتها معاها ومتأكدة أنها مش اخر مرة اقرأها .. وامبسطت اني بقيت بحبها زي هي وضحي .. انا عمري ما بعرف اتجاوز هي وضحي وغالباً عمري ما هعرف اتجاوز سجارة سابعة : ))))

شكراً دنيا بجد بجد بجد 

السبت، 9 أغسطس 2014

تحمس

مهما تعبت من كونك دائما
تحاول التحمس
يو مست 
تتحمس وتقاوم
التعب والزحمة وكل شئ
وتحقق احلامك
بوست لمر : ) 
حققي احلامك 
#حب_للاصدقاء

فالنقاوم

الانسان محتاج يستعيد روح الحبوب
ويقاوم البؤس
ويقاوم الكسل
ويفضل يقاوم كل حاجه
ويعمل الصح
وقاوم كل الاشياء السيئة
لحد ما ربنا ينعم عليه
ويدخل الجنة
ساعتها هتبقي نهاية المقاومة
وبما ان مقاومتك ضغيفة
أنت محتاج تكون اكتر من كده
محتاج تستغلك ،تستغل الوقت
وتستغل الفرص 

خطط قليلة و قصة غير منتهية مع رنيما والكسل

برغم الحر القاتل
إلا اني 
محتاجه الاقي حاجات اعملها
وابدأ استغل الاجازة
علشان لو استمتعت دلوقتي
يمكن يخف الخوف من الامتحانات
اللي هي بعيدة اووي ومحدش عارف
ليه أنا لحد دلوقتي بفكر فيها
أنا عندي احلام كتير
ممكن تتحقق دلوقتي
ولكن الكسل
رنيم رسمياً كسولة
المشكلة اني لو مش بطلت 
هبقي كده للابد ودي كارثة
لقيت خطة واحدة
ومتحمسة لها
بس خطة واحدة لا تكفي 

الثلاثاء، 5 أغسطس 2014

للاوقات السعيدة

لان كوني ليس بخير
ولان الامور ليست مستقرة
ولاني لا احب التعقيد
ولا اريد ان اكون معقدة
لان لديك اصدقاء
ولانك تستحق السعادة
ولان مهما ساءت الامور
ستجد دائما اوقات السعادة
ستجد اوراق واشياء
تجعلك تريد ان تكون سعيد
لان الايام خالية من شئ تفعله
ولانك تريد ان تفعل كل شئ
برغم أنك غالبا لا  تفعل اي شئ
لانك كسول ولانك تحب البيت
ولانك تضيع الوقت 
ولانك تجري وراءه بعد ان تفقده
لانك تريد أن تكتشف العالم
وأن تكف عن التعاسة 
او الاحساس بالذنب
لانك لا يجب ان تتعس 
والان يجب ان يكون للتعاسة اسباب
والاسباب يجب ان تكون مقنعة
ولانك مازل لديك الكون
ومازلت لديك الفرص 
ومازل لديك الوقت
ولانك مازلت تحب الكون
ولا تخطط للكرهه
اعلن تحمسك
وابدأ وخطط
وافعل اي شئ تريد أن تفعله
الحياة مازلت بسيطة 
مهما مالت للتعقيد
مازل كل شئ كما هو 
ومازل قلبك كما هو
ومازل الازرق ازرق
ف كن سعيد
الاشياء كانت ستسوء اكثر
و كان سيكون عليك ان تحسنها
ولانها لم تفقد لمعانها بعد
ولانك تعرف ماذا تريد
ولانك مازلت لا تعرف كيف تريده
لانك تحاول ان تكون مخطط
وأن ترسم درب وأن تسير عليه
وكل ما تفكر فيه الان 
هو كيف تنتهي من الثلاث سنوات سريعاً
والسنوات ابداً لا تمر سريعاً
إلا عندما تنتهي منها
لان مازل عليك أن تعلن تحمسك
وأن تفتح ذراعيك للكون
لان لا احد سيخذلك
ولانك تستطيع تحمل كل ما يأتي
لانك اذا لم تكن تستطيع 
لم يكن سيأتي
لان كل شئ يحاول أن يكون بخير
وأن الكون ييذل مجهوداً ليسعدك
ولانك غالبا تسعد بسرعة
ف لما لا تعلن تحمسك
وتبدأ من جديد
تحاول أن تكون بخير
وأن تفعل الخير
أن تبتعد اعن اي شئ
قد يجعلك تؤذي احد
لانك لا تحب الايذاء
ولا تحب أن تكسر القلوب
ولا حتي قلبك
لان هناك اشياء مازلت تشك فيها
ولان هناك اشياء تثق فيها
اشياء تعرف أنها لا تخذل
لان الله انعم ومازل ينعم عليك
ولان ما ليس معك .. ليس من نصيبك
ولانك تعرف أين الخير 
وتعرف أن لا احد مجبر علي شئ
لانك تكره أن تجبر علي شئ
وتكره أن تجبر الناس علي شئ
لانك تري أن يجب أن يفعل الكون كل ما يحلو له
أنك يجب أن تفعل كل ما يحلو لك
كل الاشياء الصحيحة التي تريد أن تفعلها
وأن تبتعد عن القيود
كل القيود التي تخلقها من العدم
لا اشياء لا تستحق
لانك تستحق التحمس
وتستحق أن تلمع 
وأن تضئ الكون
تضئ دائما وابدا لا تتوقف
ولانك مؤخرا 
لم تكن كالنجوم
لانك تتعلق بكل شئ
وتعرف أنك لا يجب أن تتأثر بكل شئ
لان كل شئ حولك
لو لمع قلبك
للمع الكون من حولك
لانك تملك قلب 
وتريده أن يكون رقيقا
ولانك تحاول أن تحترم كل شئ
و إلا تتكبر
ولانك تعرف أن هذا ليس مكانك
ولان كل شئ حولك له حل
ولان الاشياء المعقد تبسط
والمشاكل تنتهي
لانك مازل هناك اشياء تسعدك
ولانك لا تعرف كل شئ
ولا تعرف اي شئ تجيده
لانك تحب الاطفال
ديب دون تحب الاطفال
ولانك لا تعرف شئ اخر
لا تعرف الا أن هناك اشياء تسعدك
وطلما تسعدك
فيجب أن تظل تسعدك
لان الفرص كثير
ولانك لا يجب أن تهتم بالفرص
ولان هناك اشياء لا تعرفها قد تسعدك
ولانك لم تجرب كل شئ
ولانك مازلت تتعلم
وتحاول 
لانك ستفشل وستنجح
ولانك تعرف انك ستكون بخير
في النهاية المطاف
لانك تفكر كثيراً في المستقبل
وأنت لا تعرف اذا كانت ستكون فيه
لان حياة الناس تنتهي بسرعة
وكذلك حياتك
ولانك  لا تريد من الكون 
أن يرحل بدونك
لانك تحاول أن لا تكون كالاخرين
وأن تظل تلمع إلي نهاية العمر
أن تكون متفائلاً
وأن تملك قلب 
قلب سعيد
لان سبتمبر سيأتي 
ولان ما بعد سبتمبر 
لا يبدو جميلاً
لانك تتحمس 
للاوقات الجيدة 
وتخاف من الاوقات السيئة
ولانك مازلت تخاف
وتعرف أن للخوف أن ينتهي
لان الله معك
ولانك تحاول أن تشجع الكون
علي فعل الخير
غداً قادم
وعليك أن تستعد