.

.

الجمعة، 31 ديسمبر 2010

حاجات حاوة كتير


الكام يوم اللي فاتوا انا اتعلمت حاجات كتير
1 -عرفت إزاي بتكون السعادة  لما تساعد حد ويفضل يدعيلك, لما تدي الوردة اللي كنت جيبها لنفسك لست عجوزة محتاجة وتبتسم لها اكبر ابتسامة ,لما تلقي بنت صغيرة في المترو وتسألها اسمها ايه ولما تعرف انه نفسها في عصير فتقولها طيب استني هطلع اعدي الشارع واجبلك عصير وهاجي استنيني وتطلع جري وتروح تجبلها العصير وترجع تديهولها.
2 -عرفت إزاي  ممكن تلعب في ماية المطر وتجري تحتها مع أني طول الوقت بعمل كده بس دايما بكون لوحدي مش بيبقي معايا صحابي ولا بتكون الماية برمل وطين وعرفت قد ايه انك تقعد بجزمة وشارب ممبلولين حاجة مقرفة وان القعاد من غير جزمة في المدرسة حاجة مريحة.
3 -عرفت إزاي حاجات صغيرة كتير ممكن تخليك من السعادة تطير.
4-عرفت إزاي اختار ألوان الدهان معاهم اصل احنا دهنا مدخل بتنا.
5 -عرفت إزاي تقدر تمشي في الشارع وتضحك بصوت عالي طول الطريق من قلبك ومن غير سبب.
6-عرفت إزاي تهرب من المدرسين وتستخبا منهم و إزاي ممكن تزوغ من حصص الفاضية كمان وعرفت إزاي ممكن ادخل اي فصل اقولهم "ممكن اقعد  عندكم شوية".
7- عرفت قد إيه الصحاب دول حاجات حلوة.
8-عرفت إزاي ممكن تعدي شارع الهرم جري وانت مسخسخ من الضحك وبتحاول تفضل عيونك مغمضة .
9-عرفت إزاي ممكن حاجات تبسطك علشان انت عاوز تبسط ونفس الحاجات تدايقك علشان انت عاوز تدايق.
-10 عرفت إزاي ممكن تكتئب مع ان كل حاجه حوليك حلوة وعرفت إزاي بيكون انفجار الكلمات جواك لدرجة تبقي مش ملاحق تكتب ايه ولا ايه.
11 -عرفت إزاي ممكن اطلع السلالم تاني بالمشقلب لكن في مصر وإزاي ممكن عيون الناس تقولك انك اكيد اتجننت .
12 -عرفت إزاي ممكن نفس الاغنية لام كلثوم يخليك  مرة تضحك ومرة تعيط.
13 -عرفت قد إيه كانت فكرة مش حلوة لما قررت اكتب مين اللي انا متاكدة انه هيعيط عليا لما اموت بعد الشر عني.
14 -عرفت إزاي ممكن تدخل الامتحان وأنت مش عارف حاجة ف اي حاجة.
15 -عرفت قد ايه حاجة حلوة انك تقول لحد ايه أنت بتحبه وقد ايه حاجة احلي لما تحققله احلامه وبعدان تلقي علي وشه اكبر ابتسامة لدرجة انك ممكن تشوف طقم سنانه كله.
16-عرفت إزاي ممكن اطلع المسمار بالكماشة مش بالمفك.
17-عرفت إزاي بتكون سقعان ولابس صيفي واقعد فوق الشباك والهوا من قوته بيطير شعرك وبرضوا متنزلش تجيب الجاكيت مع انه جنبك.
 18-عرفت إزاي ممكن اقنع نفسي اني عندي قوة خارقة وإني بسمع افكار الناس.
19 -عرفت إزاي ارجع اتخيل تاني بعد ما بقتش اعرف وازاي اقدر اتحكم في احلامي.
20- عرفت إزاي ممكن يكون حد بيحبك و أنت بتحبه وهو مش بيسأل عليك ومع ذلك أنت بتدعيله كل يوم قبل ما تنام.

الأحد، 12 ديسمبر 2010

ستحل عليك لعنة رع


مازلت طفلة أحب لفت الأنتباة إليٍ 
ستحل عليك لعنة رع 
إذا لم تقول لي احبك بأعلي صوت
إذا لم تقم بأهدائي نجمة من السماء 
إذا لم تعلمني الطيران
إذا لم تفعلل كل ما يسعدني
إلا تعرف أن رع يغضب بغضبي 
ويلعن من يغضبني 

الاثنين، 6 ديسمبر 2010


بص لفوق ... شايف إيه ؟
شايف السما جوه عنيك
بص كمان .... هتلاقي إيه ؟
هتلاقي عصافير بتطير حوليك
بص كمان .... شايف التفصيل ؟
شايف جناحات الطير
وهو بيحركها يمين وشمال
وعمال يتباهي بين الناس
بص وركز ... شايف الألوان ؟
كأنها لوحة جميلة
مرسومة بإتقان
بص لأبعد حاجه لفوق ... شايف إيه؟
شايف السحاب
وهو بيخترع الأشكال
بص كمان ...
شايف الشمس وهي بتضحك
شايف اشعتها الصفرا
حاسس بإيه ؟
حاسس بدفا اللي مالي قليك
بص لفوق ...
علشان تضحك
بص كمان ...
واضحك اكتر
أفضل اضحك ...
صدقني هتكون الأفضل
بص لتحت ...
وكمل ضحك
هتلاقي الناس أفضل

عينيك هتشوف كل حاجه حلوة
الدنيا جميلة
والناس احلي
وكل حاجه حوليك بتضحك
السما والشمس والسحاب والعصافير والورد والناس
وأنت لسه بتضحك.

الجمعة، 26 نوفمبر 2010

تحت ضوء القمر2



أريد أن أفتح لك قلبي
لتسكن بداخله
لأحميك من اخطار الزمن
ومن خطايا البشر

احميك من جميع من حولك
هل تعرف لماذا ؟
حتي أشعر بالأمان .

تحت ضوء القمر:
رقصت أول رقصة تانجو معاك , فاكر ساعتها لما اتكعبلنا ووقعنا علي الأرض احنا الأتنين وكعب جزمتي اتكسر ومكنتش قادر تقوم من الضحك।
تحت ضوء القمر: فتحنا محل الورد اللي كنت هتجنن وافتحه من زمان , فاكر يومها باليل لما اشتريت كل الورد الموجود عندنا وبعتهم علي أوضي وساعتها من كتر الورد مكنش في مكان ليا فأضطرت أطلع انام علي الكنبة وتاني يوم صحيت ظهري متكسر .
تحت ضوء القمر: شغلنا اكتر فيلم رعب بنحبه ورحت أنت علشان تجبلي فشار والنور قطع وأنا فضلت اصوت مع أني وعدتك أني مش هخاف تاني من الضلمة , فاكر بقي وانت جي نحيتي بالفشار رحت خبطت فيك وطبق الفشار طار وحسنا ساعتها أن اخيراً السما مطرت فشار زي ما كنا عاوزين , فاكر شكل الفشار لما النور جه وهو علي الأرض وقعدنا قرب الصبح ننضفه

تحت ضوء القمر: فاكر لما قررنا نجيب عمال علشان يدهنوا أوضتي وأول ما خلصوا قالتلك "يع ...ايه ده دي شكلها وحش اوي " "ما أنا برضوا بقول كده "। ونزلنا اشترنا علب دهان كبيرة وقعدنا نرسم علي الحيطة وسبنها كده من غير ما ندهنها وطلع شكلها حلو
تحت ضوء القمر: فاكر يوم ما نزلت علشان تشتري ليا بلونات علشان كان نفسي فيها أوي بس اللي فجأني أنك جبت ليا أكبر عدد ممكن من البلانين الهليوم وخلتني اطلع اخدهم من الشباك وكنت مبسوطة اوي .

تحت ضوء القمر: جه في بالك انك نفسك تاكل تورته فاكر ساعتها لما قلتلك "طيب يللا " "يللا ايه " ""يللا نعملها " " تصدقي هبسط أوي " فاكر ساعتها لما غرقنا المطبخ شكولاتة وغرقنا هدومنا , وقررت أنت مش نعمل تورت تاني في البيت منعاًً لحدوث الكوارث بس انا كنت عارفة انك هترجع في كلامك
تحت ضوء القمر: فاكر لما فضلنا طول اليوم الصبح نصطاد فراشات فوق جبل سانت كترين وسهرنا طول الليل تحت ضوء القمر نحنطهم علشان نحقق امنيتنا احنا الانتين ونعمل تبلوه كبير كله فرشات ملونة .

تحت ضوء القمر حبينا بعضتحت ضوء القمر ضحكنا سوا
تحت ضوء القمر قضينا اجمل وقت واحلي ليالي
ومازلت حياتي مستمرة معك تحت ضوء القمر .


كل سنة وانا طيبة وعقبال يارب ما يبقي عندي १०० سنة
عدت سنة جديدة كبرت فيها شوية واتغييرت فيها كتير نقدر نقول علي السنة دي حصل فيها نضوج ذهني نوعا ما , السنة دي قرأت فيها كتب كتير , السنة دي حفظت كتير من القرآن الحمد الله , السنة دي كسبت صحاب جداد , السنة دي كتبت قد عمري كله , كانت سنة حلوة اكيد احلي من السنة الجاية علشان هكون في ثانوية عامة إن شاء الرحمن ,يارب يوفقني ويهديني الطريق الصحيح ويحقق ليا كل امنياتي ويخليلي البنات القمرات اخواتي اللي عمرهم ما بينسوا عيد ميلادي عاوزة اقولك ان الهدايا كانت حلوة اوي مرسي يا بنات ومرسي علي الجاتوة والسلحفة الفضة والهوت شوكلت و مرسي علي اليوم لما اشوف بكره هيعملوا لي ايه ؟؟؟؟؟؟


كل سنة وانا طيبة وحلوة

الاثنين، 8 نوفمبر 2010

يا تري بكره هيكون فين الشماعة الجديدة

أنت الوحيد الذي يصلح أن يكون شماعة لنفسه ولأخطائه ولجرائمه
مش لأزم كل يوم قبل ما تنام تضور علي علي شماعة اللي هتعلق عليها افعالك الخاطئه أو فشلك
لو اللي حوليك رضوا يكونوا شماعات أنا بقي مش هرضي
أخطائك تتحملها أنت لأن أناا الوحيدة اللي بتحملها
فشلك ناتج عن قرارك مش عن نصحتي اللي فشلت في تنفيذها
الأمر في الأخر يعود إليك لأنك صاحب القرار فلا تلوم إلا نفسك
وبطل بقي تخلي كل اللي حوليك مجرد شماعات نريح بيهم ضمايرنا

الجمعة، 29 أكتوبر 2010

إلي خالتو ليلي (بحبك اوي)


25-10-2010
محولوش كلهم يقفوا جنبها علشان هما عرفين أنها كده كده هتموت 
عرفين أن دي مش أول مرة يحصلها كده 
ويمكن كانو في كل مرة بيحطموها بعدم وجودهم 
مش متخيلة ازاي تعبت علشانهم أوي وهو ده في الآخر رد الجميل 
لما نقسم ميراثها وهي لسه عايشة
  لما منركبش أول طيارة ونجي علشان نشوفها حتي علشان هي بتموت
مش دي برضوا أسمها ندالة
ساعات كتير بنحب حد أوي ونبقي خايفين عليه أوي وممكن نضحي بروحنا علشانه مع أننا في الآخر مشفنهوش
"ربنا يشفيكي يا طنط ليلي "
خالتو ليلي زي ما بحب أقولك
دَعيِ رَوُحْك تُرِفرف وصعدي إلي السماء
دعي أحزانك هنا ورحلي وتركي لنا الذكريات
  نُحبكِ وأنتي تعلمين لكنه وقت الرحيل
إذا شئت الرحيل فرحلي بسلام
لكنك ستتركين خلفك أناسا تنذم آلام 
وجراح في قلوبنا ودموعا قي أعيننا لا حصر لها
لا نرد أن نعذبك فإذا شئتي الرحيل فرحلي بسلام
كما آتيتي بسلام
  to:خالتو ليلي


2010-10-28
ماتت خالتو ليلي
ماتت وسابتنا محدش كان متوقع أنها تموت مع أن كلهم حلموا أنها هتموت يوم الخميس وكأن ربنا بيعتلهم رسالة علشان يشبعوا من علي الآخر قبل ما تمشي  مشفتهاش غير وهي متكفنه وخلاص مشية رحت صليت عليها كنت بعيط كأنها خالتي كنت منهارة نفسيا وعصبيا كان نفسي اوي أشوفها قبل ما تمشي
خالتو ليلي ممتت
ش خالتو ليلي عايشة في قلوبنا وبذات قلبي أنا
وحشتيني أووووووووي

الاثنين، 25 أكتوبر 2010

قدم لي الكون في ورق هدايا


هيا قدم لي قربينك

قدمها لكي أرضي عنك
لأجعل حياتك مشبعة برائحة الفراولة

ولها طعم مثل الكريز

ولحنا جميلا مثل لحن بتهوفن

وملمس ناعم مثل الحرير

أنت تحتاج أن أصفح عنك

أغفر لك كل خطايك القديمة

قدم لي ما شئت من قربين

حتي أعطيك قلبي

الجمعة، 15 أكتوبر 2010

مبررات نفسية


دائما دائما نبرر لأنفسنا أفعالنا


دائما ناجد لنا الأعذار أفعالنا كل أفعلنا


الكذب نبرره , السرقة نبررها ,الغضب نبرره , الخيانة نبررها


هذا ما يفعله جميع بني آدم , نحن نفعل الصح دائما والباقون علي خطأ ويفعلون الخطأ دائما

أحاول أن لا أبقي مثل جميع بني آدم احاول أن لا أبرر لنفسي أفعالي الخاطئة



أغضب دائما من نفسي عندما أبرر أخطائي أبرر أفعالي

عندما أراني بلا أخطاء بلا ذنوب أغضب وأثور علي ذاتي كيف لي أن أكون مثلهم

وأفتح صفحة جديدة وابدأ أكتب أسوأ ما في 4-3-2-1

لحين أشعر أنني عندي ذنوب وعندي أخطاء

لست إنسانة كاملة بلا أخطاء ولا ذنوب

أبا لدي الكثير والكثير من الذنوب والأخطاء

يجب أن يعترف جميع بني لآدم بهذا

"إياكم أن يأخدكم الغرور وتنسون أنفسكم فأنتم جميعا حشراااااات " *

لا تبرروا أخطأكم واعترفوا بها لقد ارتكبتم ذنوب لا تنسي



* رواية عشاق خائبون



تقول لي صديقتي ضميرنا لا يساعدنا أن نفعل اشياء دون أن نبررها لأنفسنا

السبت، 9 أكتوبر 2010

إلي اخواتي الأعزاء



to my sister alaa ♥

كل سنة وانتي طيبة يا لولا وعقبال مليوووووووون سنة يا قمري واحنا مع بعض يارب  وكل سنة وانتي بخير وكل سنة وانتي لسه مع صحابك  بحبك اوي ويارب نفضل اصحاب علي طول بجد بحبك اوي يا لولا ومتزعليش مني ياقمر ويارب تكون الهدايا كلها عجبتك والحفلة ضغننة دي كمان♥

♥to my sister hend

لقتد تقاربت أروحنا ♥ 
لقد أصبحنا متشبهين جدا ♥ 
لم اكن اعلم أن الجينات لدينا متقاربة  ♥ 
نحب الشئ نفسه ونكره الشئ نفسه ♥
تعجبنا نفس الرواية , نقةل نفس الكلام ♥
وأحيانا نقول نفس الكلام في نفس اللحظة معا ♥
لقد تقاربت أروحنا جدا في الفترة الأخيرة ♥
لدرجة أننا أصبحنا نكتب مثل بعضنا ♥
وأحيانا نكتب نفس الأفكار بأسلوب مختلف ♥ 
لقد تشابهت أشكلنا عندما تقاربت أروحنا ♥
♥♥♥♥♥♥♥♥♥♥♥♥♥♥♥
بحبكم اوي يا بنااااااااااااااااااااااااااااااااااااااااااااات ♥♥♥♥♥♥
بحبكم بجد  موووووووووووووووت ♥♥♥♥♥♥♥
وبحب اوي اشوفكم وانتم بتكبروا سنة ورا سنة قدام عيوني  ♥♥♥♥♥
وبحس دايما ان مسئولة عنكم برغم ان اضغركم 

إلي أخوتي الأعزاء هند و آلاء ♥♥♥

الأربعاء، 6 أكتوبر 2010

خانات كتير


شفني مرة واحدة وحطني في خانة غلط خانة مكنش ينفع ابقي فيها

اعمل ايه ما هو اللي اتكسر لا يمكن يتصلح

معدش يفرق معايا انا في انهي خانة عنده

أنا كمان هحطه في خانة غلط

ما هو ده جزائه اصله ميعرفش أن الجزاء من جنس العمل

2010/9/25

كل إنسان عنده شوية خانات بيقعد طول حياته يحط الناس في الخانات بتاعته , ساعات كتير الإنسان مش بيعرف يحكم علي اللي قدامه كويس أو يشوفه زي ما هو , فبيحطه في خانة غلط وعلي هذا الأساس بيدأ يتعامل معاه غلط وممكن يترتب علي الخانة غلط مشاكل كتير ... علشان كده قبل ما أحط أي حد في أي خانة بفكر مليون مرةهو يستحق الخانة دي .. وبركز أوي أحسن أحطه في خانة غلط .....

ناس كتير بيحطوني في خانات غلط أنا مينفعش أبقي فيها .

2010/9/28

السبت، 2 أكتوبر 2010

♥ حقولنا الخضراء ♥


مساحة هائلة من الحقول الخضراء ♥
محصيل كتير وخضرا كتير كتير اوي ♥
والغروب هنا له مذاق خاص ♥
كان نفسي أعيش هنا ♥
وسط الطبيعة والهدوء وسط الحقول والجمال ♥
حالتي النفسية تمام ♥ حسه أني فوق القمر والسحاب ♥
بعيد عن العمارات والبنيات ♥
بتنفس هوا نظيف من غير عوادم ولا دخان ♥ الهوا هنا جنان ♥
أحساس جميلأن أقف فوق السور ♥ والهوا يطير خصلات شعري ♥ اقف من غير ما أمسك في حاجه علشان اجرب شعور الطيران ♥
حسه أن الهو هيطيرني ويوقعني من فوق السور ♥
في حصان لطيف عاوزة اركبه ♥ وخرفان كتير هأكلها ♥ ومحصول رائع يتلم ♥
المرة دي هركب الجرار وهمشي بيه بيه ومش هخاف زي كل مرة ♥
المرة دي هستمتع ♥ أقصي أستمتاع ♥ علشان يمكن مقدرش أستمتع تاني كده ♥ هبذل جهد علشان استمتع ♥
مع أني عارفة أني همبسط حتي لو مبذلتش ♥ هروح دلوقتي اركب الحصان ♥
بقيت البوست بعد ما ركبت الحصان ♥
ركبت الحصان مرتين ♥ كانت حامل ♥ شعور رائع لما تحس أنك فوووووووق فوووووق فووووووق  ♥
الحصانة اتجننت وجريت بيا مرتين ♥ في الأول مخفتش وبعد كده  قلبي كان هيقف من الخوف ♥
امبسط اوي اكتر من اي مرة ♥ وضحكت اوي برضوا ♥ مع أن أحنا مكناش كتير بس  تحفه ♥
بحب اوي المزرعة  وحقولنا الخضراء ♥

الأحد، 26 سبتمبر 2010

لا ترحلي يا صديقتي

لأننا نحبهم بصدق فيذيقونا الآلام بصدق 
إلي مشاعري الحزينة المتألمة ارجوكي أن تختبئ فأنا لا اريد ان اذيقها الآلام مثل آلامي فهي لن تتحملها....
لحظتها شعرت ان كل حاجه فيا عماله تكسر حت صغيرة صغيرة صغيرة حتي احلامي معاكي تحولت فجأة الي مستحيل حتي ذكرياتي معاكي اصبحت فجأة وهم 
لانني احبها بصدق فلا استطيع ان اذيقها الالام بصدق
ارجو الا تشعري بمشاعري المنكسرة ارجو ان تسني الالام التي ربما تسببتي انتي فيها لي ارجو ألا ترحلي فأنني لا استطيع تحمل غيابك من حياتي 
إلي عزيزتي الغالية  ابحبك من قلبي اكثر مما تحبينني 
سمحيني .... (لست المخطئة لكنك تعرفين انني اتأسف كثيرا )

السبت، 18 سبتمبر 2010

قطيع بقر


قطيع بقر ..
ماشي لوحده .. ماشي وحيد
في المراعي الكبيرة
ماشي سرحان .. في لا شيئ 
مش شايل هم الأكل ..ولا شايل هم عياله
ماشي سعيد .. أكيد سعيد
مهي حياته عبارة عن أكل
أكل ونوم ومشي ..بس عامل اللي عليه.. وقايم بدوره مضبوط
يمكن مش بيعمل حاجه تانية في حياته
عمال يتمختر في مراعيه
رايح جاي .... جاي رايح
البقرة الكبيرة 
معاها عيالها وعيال عيالها وعملين قطيع .. قطيع كبير
كلهم ماشين في قطيع واحد
لأنهم عارفين أن الأتحاد قوة 
ماشين في قطيع واحد
لأنهم عارفين أن محدش هيقدر عليهم وهما سوا
ياريت تبقي زيهم ...ايوا زي قطيع البقر
علي الأقل بيعملوا اللي عليهم 
أحسن من أننا نبقي شوية خنزير متفرقين .

الثلاثاء، 14 سبتمبر 2010

الي عروستي الجميلة


آسفه يا جميلتي
لكنك يجب أن تصعدي فوق الرفِ
إني أحبك لكني كبرت
كبرت بما يكفي علي الإحتفاظ بعروستي في حضني
هيا إصعدي فوق الرفِ
لا تقلقي سوف أراكِ كل يوم
لا تقلقي لن أنساكِ يا دميتي
وكيف أنسي من ونستني في وحدتي
كيف أنسي من مسح لي دمعتي 
سأضعك بأقرب رف لتكوني قريبة من قلبي
لا تنسيني إن مت
وتذكري دائما أنني كنت أعتني بك وأرعاكِ
لا تنسي أنني كنت أطعمكِ  و أغني لك
لا تنسي من احبك 
فمن احبك لا يتسطيع أن ينساك
لقد كنتي خير دمية
لقد كنتي خير جليس لي في وحدتي 
أحببتك , أحببتك أكثر من نفسي
وأنت تعرفين كم أحب نفسي
الوداع يا جميلتي
هيا إصعدي فوق الرفِ 
ستبقين في قلبي إلي حينِ موتي
إصعدي ولا تقلقي سأكون بخير
الوداع يا أميرتي


الأحد، 12 سبتمبر 2010

رقصة موتي انا



كان نفسي ارقص رقصة الموت♥
لكن يكون اسمها رقصة موتي انا♥
تفضل الرقصة مستمرة لحد لما يحين موتي♥
وهجمع كل الناس في الشارع واخليها ترقص رقصة موتي
يمكن بحتفل اني ماشية ماشية من العالم السئ للابد♥
وعاوزة اخر حاجه اعملها هي رقص رقصة موتي انا♥
زمان ايام اجددنا الهنود الحمر كانوا قبل ما يموتوا اي دخيل♥
كانوا لازم يرقصوا رقصة الموت ♥
يمكن هعمل كده اقتداء بأجدادي الهنود♥
او يمكن همعل كده علشان لما اموت الناس تفتكرني♥
ويقولوا عليا البنت المجنونة اللي كانت بترقص في وسط الشارع رقصة موتها♥
بس للسه مش عارفه هرقص علي اغنية ايه♥
ممكن اعملها مزيج مزيج لرقصة موتي♥
كوكتال احط فيه اغاني عمرها ما هينفع تتحط مع بعض♥
واعمل اغية واحدة في اخر♥
بس اهم حاجه تكون فيها اغنية الف ليلية وليلة معرفش ليه بس انا بحبها♥
بس لازم ييكون الرتم بتاع الاغنبة لاب دب لاب دب لاب دب♥
زي قلبي هو كمان بيعمل كده  علشان يبقي فيه علاقة♥
علاقة مبين قلبي ورقصة موتي انا♥
♥♥♥♥♥♥♥♥♥♥♥♥♥♥♥♥♥♥♥♥
كان نفسي ارقصها معاك ومحدش يسألني مين هو♥
عارف ليه انت بذات علشان يمكن بتمنالك الموت من قلبي مع اني معرفكش
بس يمكن لما ترقص معايا انت تموت  واخلص منك ♥
ويمكن لو مت قبلي اعرفك  وتتحول من المجهول للمعلوم♥ 
من حاجه معرفهاش لحاجه اعرفها بس ساعتها هيكون فات المعاد فات خلاص♥
بس مش هتأثر ولا هعيط عليك علشان انا بتمنالك الموت ♥
بس يارب تعجبك تعجبك رقصة موتي اللي انت كمان هتموت وانت بترقصها
اصلي مش بحب ان حد يموت وهو بيرقص رقصة مش بيحبها
وخصوصا انك هتموت علي رقصة موتي انا يا حبيبي ♥
مش عارفه ليه انت حبيبي مع اني بكرهك♥
صدقني هتفرح وانت بترقص رقصة موتي انا علي انغامي انا معايا انا ♥
صدقني هتموت مبسوط  وهموت بعديك انا كمان مبسوطة♥
انا حسه اني عند القمر برقص فوق السحاب علي انغام الموسيقي الرائعة
برقص و برقص و برقص وبفضل ارقص
وهفضل ارقص في كل زمان وفي كل مكان
ومحدش هيقدر يمنعني من الرقص
وكل ما القمر يطلع هطلع اكمل رقص فوق السحاب
ارقص غصب عني ارقص صدقني غصب عني برقص

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
البوست ده انا كتبته اول يوم العيد♥
اولا: كل سنة وانتم طيبين ويارب يكون عيد سعيد عليكم كلكم♥
 ثانيا : البوست ده كتبته في وقت غريب اوي اول يوم العيد قاعدة لوحدي الدنيا هاديا مفيش غير صوت ضحك من شوية اطفال بيلعبوا في المرجيح بعد ما كتبته قاعدة كتير افكر ايه رقصة الموت دي انا عرفتها منين افتكرت في اخر ان ده فيلم (step up 2) كانوا مترجمينه رقصة الموت وانا بعد ما اتفرجت علي الفيلم قاعدة اوي اضحك علي الترجمة الحلوة دي المهم اللي جاب في مخي البوست كله طنط صحبت ماما انا كنت كتبه اخر البوست استيتيوس علي الفيس فطنط صحبت ماما قرأته وكان بتقولي ايه يا رنيم اللي انتي كتباه ده عجبني اوي بس استغربت اوي انك هترقصي غصب عنك قاعدنا نصحك وخلص الموضوع بس انا كتبتله بوست يارب يكون حلو ومجنون زي ما انا حساه
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

السبت، 28 أغسطس 2010

الله يرحمك يا جدي

الله يرحمك يا جدوا مش قادرة اصدق 30 سنة ياااااااه كتتتتتير اوي يا جدوا كان نفسي تكون معانا النهاردة وكل يوم كان نفسي تشوفنا وتفتخر بينا بجد كان نفسي اقبلك واتكلم معاك مفتقداك مع اني عمري ما سمعت صوتك بس كفايا شرايط القران اللي بصوتك اللي ديما بسمعها لما اكون محتجاك يا جدوا... مفتقداك مع اني عمري ما شوفتك لكن كفايا صورتك الكبيرة اللي محطوطة جوه برواز اسود وعليها شريطة سودا اللي فوق مكتبي ... مفتقداك مع اني عمري عشت معاك بس كفايا كتباتك اللي بالنسبة ليا حاجه عظيمة اوي اللي وانا بقرائها مش بقدر اقوم دموعي لانك مش معانا دلوقتي ... اكيد لو كنت معانا كانت حياتنا هتبقي احسن اكيد كنا هنبقي شحصيك احسن بكتير ... مفتقداك يا جدوا ... ومفيش في ايدي حاجه غير اني ادعيلك واقولك اني عمري ما هبطلل ادعيلك ولا عمري هبطل شوفك مثالي الاعلي ... و ان شاء الله ربنا يجمعنا في الجنة ...ربنا يخليلي جدتي ويشفيها ... وربنا يخليلي جدي التاني ... ويخليلي كل عائلتي
ذكراك ال30 يا جدوا ... وكل سنة وانت مش معايا

الأحد، 7 فبراير 2010

حاجات حلوه كتير



بعد طول غياب اخيرا انا وصلت جيت أهو علشان انور مدونتي واكتب بوست طويل كبير عريض له ارتفاع شاهق وعلي مساحة كبيرة جيت فرحانه اوووووووي
أول يوم هحكي عنه :







4/2/2010 :






النهاردة اخر يوم في الأمتحانات خلاص كده خلصت تالته عدادية كان عندي امتحان درسات حليت كويس الحمد الله النهاردة برضوا يوم مميز النهاردة عيد ميلاد مدونتي العزيزة فاتت سنة بحلها بقالي سنة بكتب شعور حلو أوي وجيت اهو علشان احتفل بمدونتي العزيزة واقولها يارب السنة الجاية تكون احلي بالنسبة ليكي



دي ليكي يا أحلي مدونة في دنيا وعقباللللللل مليون سنة وأنا معاكي التورتة 
دي كليكم أنتم كمان أما أنا فليا تورتة لوحدي بقي بس متخفوش مش أنا وسمية وتقي اللي هنعملها أحنا هنشتريها جاهزة بلاش فضايح كمان يوم عيد ميلاد مدونتي هههههههههههه


التورتة دي بقي لكل من شجعني علي الكتابة ولكل من عجبته كتاباتي طبعا هاكل من التورتة دي يعني تبقي تورتتكم وأنا مأكلش منها




دي حكاية أول يوم لسه في حكاية تانية مش قولتلكم بوست كبير طويل عريض له ارتفاع شاهق وعلي مساحة كبيرة خدوا عندكم بقي حكاية تاني

6\2\2010



يوم مميز جداااااا في معرض الكتاب شفت كل الناس الحلوين من أول صحاب أختي لحد المدونين شفت سحر غريب ودي حاجه حلووووووة ووقعت الكتابين حماتي ملاك وتعيش وتاخد غيرها ودي حاجه حلللللللوة أويييييييييي وشفت فاتيما ودي حاجه كووووويسة بغض النظر أني مشفتش رودي مع أنها كانت هناك إلا انه كان يوم حلو اشتريت كتب حلووووووة طبعا دي أول زيارة للمعرض بتبقي مش طويلة بنقضي 5 ساعات مثلا وخلاص لكن باقي الزيارات بتكون من الصبح لحد لما المعرض يقفل المهم أنا كنت رايحة مع أختي وصحبها وبعد معرض الكتاب رحنا مسجد الحاكم بأمر اللة  رحنا حتت حلووووووووة أوي بس المسجد كان أكترمن رائع بذات أن احنا كنا باليل فكان شكلة بجد فظيع  هقول معلومات علي السريع عن المسجد مسجد الحاكم بأمر الله : بدأ بناء المسجد ده في عهد الخليفة الفاطمي العزيز بالله بن المعز سنة 380 ه (990 م ) وقد بدأ في استكمال أعمال البناء علي البناء علي يد الخليفة الحاكم بأمر الله في سنة 393 ه (1003 م ) وتم الأنتهاء من بناء المسجد سنة 403 م ) المسجد دلوقتي في شارع المعز لدين الله لكن في العصر الفاطمي كان بره اسوار القاهرة القديمة لكن بدر الدين عمل تجديدات في بناء أسوار القاهرة وبكده اصبح مسجد الحاكم بأمر بالله داخل أسوار القاهرة , وبيعتبر المسجد ده معرفش ازاي تاني مسجد من حيث المساحة بعد مسجد أحمد بن طولون . والمسجد ده له آسامي كتير زي : جامع الفتوح - جامع الخطبة - جامع الحاكم - جامع الأنوار
أنا بجد بدعوكم تروحوا المسجد ده بجد رائع جدااااااااا وادخلوا عل جوجل شوفوا الصور هيعجبكم اووووي



تالت حكاية هو التاج جالي تاج من ثلووووج الدافئة بنت خالتيييي


*******


-اسمك وأسم مدونتك ؟




اسمي رنيم وأسم مدونتي مبتسمة دائما





-أحب الألوان ؟ الأيام ؟ الأرقام؟




كل الآلون جميلة بس بفضل الأسود والموف عن الكلل . الأيام بقي دول حسب جدول الحصص في المدرسة بس أنا بحب الخميس . الأرقام علي حسب الحالة النفسية دلوقتي عاجبني رقم 3





-برجك وتاريخ ميلادك ؟




برج القوس وتاريخ ميلادي 26\11\1995





-أهم مميزاتك ؟ أهم عيوبك ؟وماهي الصفه التي تتمني ان تتوفر فيك ؟




هو تقريبا مفيش مميزات غير أني بحب الأطفال . عيوبي مجنونة شوية .الصفه الهدوء والساكينة طبعا هههههههه 





-ما هو مكانك المفضل؟




البيت طبعا ومعرض الكتاب و عند آنة ( جدتي ) وعند بياع عصير البطيخ





-ايه هي هوتيك المفضلة ؟




القراءة والكتابة والرغي والسرحان في لا شئ و الرسم والأكل والتهيس والطبخ طبعا انتم عرفين وطبعا اللعب مع الاطفال





-ما المقولة التي تؤمن بها ؟




" من أرضي الله بسخط الناس رضي الله عنه وأرضي الناس ومن أرضي الناس بسخط الله سخط الله عليه وأسخط الناس "




"ولا تتظر من أحد شئ"




"أبتسم للحياة "



-أجمل هدية قدمت لك من مين ؟




كل الهدايا جميلة كل أجمل هدية هي وردة حمرا من عند بياع الورد اللي بحبه




-أسعد يوم في حياتك ؟ وأتعس يوم في حياتك ؟




أسعد يوم في حياتي يوم ما اتولدت وأتعس يوم في حياتي الحمد الله لسه مجاش




-موقف طريف لا ينسي من ذاكرتك ؟




كل المواقف طريفة وكل المواقف لاتنسي من ذاكرتي ولو قاعدت احكي مش هنخلص بس ممكن اختصر في المواقف المواقف الطريفة طبعا مع سمية وتقي والتهيس اللا نهائ 




-معاك ثلاثة وردات لمين تهديهم ؟




أول وردة لكل مسن في دار مسنين تاني وردة لكل أم بتشقي علشان ولدها تالت وردة لعائلتي وأصحابي




-معاك ثلاث رصاصات علي من تطلقهم ؟




أول رصاصه علي كل ظالم أكل حق فقير أو ضعيف تاني رصاصة لكل غني مبتصدقش علي الفقراء تالت رصاصة هشلها للمستقبل يمكن حد يدايقني يبقي معايا رصاصة زيادة




-ايه رايك في الحب ؟ولمن تقول أجمل كلمة حب ؟



الحب هو شئ اساسي في حياتنا واقول اجمل كلمة حب لماما طبعا


-هل من السهل ان تمثل الحب لشخص يحبك لعدم جرح مشاعره ؟



مش سهل طبعا بس ساعات الناس بضطر تعمل كده



-ما هو اسعد خبر سمعته هذا العام ؟ ما هو أتعس خبر ؟


اسعد خبر طبعا ان خالتي هتجبلي بابي العب بيه وان هندخل المدرسة متاخر واتعس خبر ان احنا مش هنطلع عمرة رمضان

- لمن تهدي هذا التاج ؟

توتا __ تقي __ رودي __ فتيما __ شيكو __ دينا __ ريم __ هند __  ايناس ومش عاوزة انسي حد اقولكم اي حد يعدي علي البوست يأخد التاج ده وهو ماشي

البوست ده قديم اوي اوي من اول السنة تقريبا  بس قلت قبل ما انزل بوست جديد انزل البوست 

عاوزة اقولكم كل سنة وانتم طيبين وان الغربة مرة اوووووي وبجد وحشتوني كلكم وانا مبسوطة اني رجعت اكتب تاني وعندي فجأة تانية ليكم ان المرة الجاية هتكون حاجة غير كل مرة اوعدكم انها هتكون تحفه وهتعجبكم كلكم  معلش طولت عليكم استحملوني 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥
♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥