.

.

الخميس، 17 ديسمبر 2009

السلالم المتحركة

أنا من عشاق ركوب المترو ليس لأنه يختصر الوقت والمجهود لكن عشان السلالم المتحركة باتعته . انزل قبل معادي بربع ساعة اجري بسرعة للمترو اقطع التذكرة وطبعا لأني مبتسمة دائما أترك الجميع يقطعون تذاكرهم وابقي أنا لأخر الدور اقطع التذكرة بسرعة اجري علي السلالم المتحركة أنزل واطلع واطلع وأنزل لحد لما يجي معادي أركب المترو . من وأنا صغيرة بستني اروح إي حته فيها سلالم متحركة عشان العب بابا دايما كان يسبني العب في السلالم المتحركة " بابا عاوزة العب علي السلالم دي " "طيب يا رنيم اطلعي وأنا هستنا كي هناك " " ماشي يا بابا " وجري علي السلالم المتحركة حتي بعد ما كبرت وعقلت (المفروض) ورحنا السعودية كنا في المول السلالم كانت طويلة جدااا بصراحة مقد رتش اقاوم ورحت لبابا الذي يقبل أفكاري المجنونة "بابا أنا عاوزة أطلع السلالم بالمشقلب " " ازاي ؟؟؟ " " يعني السلم النازل اطلع علية " " طيب يا رنيم" " بس لسه هستني لغاية ما السلم يفضي شوية " " علي العموم احنا واقفين هنا بنشتري حاجات " " قشطة عليك يا بابا " 5 دقايق السلالم فضيت جريت علي السلالم أطلع بالمشقلب لو وقفت تأخد نفسك هتنزل فبسرعة بسرعة تأخد نفسك و تكمل طلوع علي السلالم خلاص اهو قربت اوصل القي ناس في وشي لو وقفت افكر هنزل و أنا عاوزة أطلع " بعد اذنك " " بعد اذنك " " بعد اذنك " وأخيراااااا وصلت فوووووق " بابا أنا طلعت " " طيب يللا أنزلي بالمشقلب " " لا انا تعبت هنزل من السلالم اللي طلعت عليها " ونزلت بقي مبسوطة وعمالة أطنطت جنبهم وهما بيشتروا الحاجات شفتوا قلت لكم كبرت وعقلت هههههههههه . حتي في كارفور وهايبر بأخد البتيناج ( البتيناج هوحذاء له عجل) لكن بتاعي عنده اربعة بيدخلوا جوة الجزمة تبقي جزمة عادية أطلعهم يبقي بتيناج وبالبتناج علي السلالم " باي باي يا ماما دلوقتي " " ليه يا رنيم راحة فين " " اشتروا اللي أنتم عاوزينه انا هلعب علي السلالم " " طيب يا رنيم متتأخريش " "حاضر " وصاروخ علي السلالم طالعة نازلة نزلة طلعة موبيلي بيرن "ايوا يا ماما" " فينك يا رنيم أحنا عاوزين نروح " " لسه عاوزه العب شوية " " احنا خلاص اشترينا كل حاجه " " أة طيب أنتم فين أنا جيالكم , أودع السلالم أراكي لحقا " وجري عند ماما " اتأخرت عليكم " " طبعا يللا ركبي " طول الوقت طالما فيه سلالم متحركة يبقي رنيم عندها حتي وأنا صغيرة كنت بقول لماما نفسي يكون عندنا سلالم متحركة بدل السلالم العادية" ده هما أربع أدوار وأنتي لسة صغيرة " " وبعدين لو عندنا سلالم هلعب عليها طول الوقت وهجيب تقي تلعب معايا ( تقي صديقة عمري بنت خالتي صاحبة مدونة ورود الصداقة وهي برضوا اللي عملت معايا كيكة حنا ) وبدل ما نلعب في سلالم الناس نلعب في سلالمنا . تلقيني دايما وأنا نازلة من السلالم أرفع هدومي وارط رباط الجزمة لحسن تشبك أو تدخل في السلالم .ومن موقعي هذا أنصح كل مواطن أن يركب المترو فقط لتجربة متعتها وبعد ركوبها سوف تشعر براحة كبيرة وسعادة غير عادية فقط جربوا ......